Меҳнат ҳақи бўйича ишлаб чиқариш харажатларини қандай шакллантириш керак
Тавсияда:
– харажатлар таркиби:
меҳнат ҳақи;
рағбатлантириш хусусиятига эга тўловлар;
компенсациялар;
ишдан ташқари вақтдаги иш;
қўшимча иш;
оғир, зарарли меҳнат шароити;
кўчма ва қатнаш тусидаги ишлар;
вахта усулида ишларни ташкил этиш;
туман коэффициентлари бўйича тўловлар;
ишланмаган вақт;
таътил ва фойдаланилмаган таътил учун компенсациялар;
жамият манфаати учун ҳаракат;
фуқаролик-ҳуқуқий хусусиятга эга шартномалар бўйича тўлов;
ижтимоий суғуртага ажратмалар.
Ишлаб чиқариш хусусиятига эга бўлган меҳнатга ҳақ тўлаш харажатлари сотилган маҳсулот (товарлар, хизматлар) таннархининг таркибий қисмларидан бири бўлиб, Фойда солиғи ҳисоб-китобининг 2 (2.1)-иловаси 020-сатрида акс эттирилади.
Ижтимоий солиқ ва меҳнатга ҳақ тўлаш учун харажатларни шунингдек:
- I–III чораклар учун Ҳисоб-китобга 2-илованинг 0105-сатрида;
- бир йил учун Ҳисоб-китобга 2.1 (а) ёки 2.1 (б)-илованинг 0202-сатрида товарлар (хизматлар) таннархига киритиладиган харажатлар қисмида;
- бир йил учун Ҳисоб-китобга 2.1-илованинг 0305-сатрида бошқа харажатлар қисмида акс эттиринг.
Уларни батафсил кўриб чиқамиз.
Ишлаб чиқариш хусусиятига эга бўлган меҳнатга ҳақ тўлаш харажатлари таркибига нималар киради
Уларнинг таркибига қуйидагиларни киритинг :
Т/р |
Харажат номлари |
1 |
Амалда бажарилган иш учун ишлаб чиқариш хусусиятига эга бўлган ҳисобланган иш ҳақи, шу жумладан хўжалик юритувчи субъектни Мукофотлаш тўғрисидаги низомда назарда тутилган рағбатлантирувчи тусдаги тўловлар |
2 |
Касб маҳорати ва мураббийлик учун тариф ставкаларига ва окладларга устамалар |
3 |
Иш режими ва меҳнат шароитлари билан боғлиқ бўлган компенсация тўловлари |
4 |
Иш вахта усулида ташкил этилганда, иш вақти жамланиб ҳисобланганда ва қонун ҳужжатлари билан белгиланган бошқа ҳолларда ортиқча ишланган иш вақти учун дам олиш кунлари (отгуллар) учун ҳақ тўлаш |
5 |
Ишланмаган вақт учун ҳақ тўлаш |
6 |
Штатда турмайдиган ходимлар меҳнатига улар томонидан фуқаролик-ҳуқуқий тусдаги шартномалар бўйича бажарилган ишлар учун ҳақ тўлаш |
7 |
Ишлаб чиқариш жараёнида қатнашувчи ходимлар меҳнатига ҳақ тўлаш харажатига киритиладиган тўловларнинг бошқа турлари |
Ишлаб чиқариш хусусиятига эга иш ҳақи
Корхонангизда қабул қилинган меҳнатга ҳақ тўлаш шакллари ва тизимларига мувофиқ келишилган қийматлар, тариф ставкалари ва лавозим учун...