Меҳнат таътилига бўлган ҳуқуқ қачон пайдо бўлади

Тавсияда:

– таътил учун иш стажига қайси даврлар киритилади ва қайси бири киритилмайди;
– ходим биринчи иш йили учун қачон таътил олишга ҳақли;
– иккинчи ва кейинги иш йиллари учун таътилга чиқиш ҳуқуқи қачон юзага келади;
– таътилнинг давомийлиги қанча бўлиши мумкин: тўлиқ ёки ишлаб берилган ойларга мутаносиб равишда;
– қайта ташкил этиш пайтида таътил учун стаж қандай ҳисобланади.

Таътил учун иш стажига қайси даврлар киритилади ва қайси бири киритилмайди  

Ходимга меҳнат таътили ҳар йили иш йили давомида берилади . Ҳар бир ходим учун унинг иш йили алоҳида ҳисоблаб чиқарилади.

Эътибор беринг

Иш йили – бу ходимнинг муайян иш берувчида 12 ойга тенг бўлган ва ҳақиқатда иш бошланган санадан эътиборан ҳисоблаб чиқариладиган иш даври .