Қонунчиликни бузмаслиги учун иш берувчи меҳнат ва фуқаролик-ҳуқуқий шартномалар ҳақида нималарни билиши керак
Тавсияда:
– фуқаролик-ҳуқуқий шартнома ҳақида билиш лозим бўлган нарсалар ва уни штатдаги лавозимга тузиб бўлмасликнинг сабаби;
– меҳнат шартномаси билан фуқаролик-ҳуқуқий шартноманинг бир-биридан фарқи (қиёсий жадвал).
Фуқаролик-ҳуқуқий шартнома бўйича билиш лозим бўлган нарсалар ва уни штатдаги лавозимга тузиб бўлмасликнинг сабаби
Меҳнат шартномасининг фуқаролик-ҳуқуқий тусдаги шартномалардан (ФҲШ, ФҲТ шартнома) ажратилиши амалий жиҳатдан муҳим аҳамиятга эга. Иш берувчилар меҳнат тўғрисидаги қонунчилик билан белгиланган кафолатларни тақдим этишдан ўзларини озод этиш мақсадида ҳақиқий меҳнат муносабатларини кўпинча ФҲТ шартномага ўзгартирадилар. Аммо, бу меҳнат тўғрисидаги қонунчиликни бузиш ҳисобланади. Қонунни бузмаслик учун шартноманинг бу турлари аниқ ажратилиши ҳамда қачон меҳнат шартномаси ва қачон ФҲТ шартнома тузилишини билиш зарур.
ФҲТ шартномага хос белгилар
Фуқаролик-ҳуқуқий тусдаги шартнома (фуқаролик-ҳуқуқий шартнома) – бу фуқаролик ҳуқуқ ва мажбуриятлари белгиланиши, ўзгартирилиши ёки тугатилишига доир икки ёки бир неча шахс ўртасидаги келишув. ФҲШ: жисмоний шахслар; юридик шахслар; жисмоний шахс(лар) ва юридик...