Корхона манзили ўзгарганда бухгалтер нимага эътибор қаратиши керак

Тавсияда:

– юридик шахснинг манзилини қайта рўйхатдан ўтказиш:
         корхонанинг манзили бир туман доирасида ўзгарганлиги тўғрисида солиқ инспекциясини хабардор қилиш;
         туман ёки шаҳар ўзгартирилганда солиқ инспекциясини хабардор қилиш;
         контрагентларни хабардор қилиш;
– меҳнат шартномаларини нима қилиш керак;
– лицензия ёки рухсатномалар билан нима қилиш керак;
– корхонага тегишли автотранспортни қайта рўйхатдан ўтказиш.

Корхонанинг жойлашган жойи ҳақида сўз борганда умумқабул қилинган «юридик манзил» тушунчаси хаёлга келади. Гап шундаки, РФ қонунчилигида бу тушунча расман мустаҳкамлаб қўйилган ҳамда у ерда юридик ва почта манзили бир маънони англатмайди. Бизда эса ушбу атаманинг ҳар жойда – нафақат бизнес муҳитида, балки айрим расмий тасдиқланган бланкларда ишлатилишига қарамай бирор-бир меъёрий ҳужжатда ушбу тушунчанинг таърифи келтирилмаган  .

Ташкилотнинг почта манзили қонунга асосан белгиланган. Шу боис кейинги ўринларда юридик манзил тўғрисида сўз борганда почта манзилини назарда тутамиз. Амалда бу корхонанинг низомида, давлат рўйхатидан ўтказилганлиги тўғрисидаги гувоҳномада ва юридик шахсларнинг давлат реестрида кўрсатилган жойлашган жойидир. Почта манзили юридик шахснинг амалда...