Тўловлар бўнак (олдиндан тўлов) ва кредит (бўлиб-бўлиб тўлаш шарти билан) расмийлаштирилганда онлайн-НКТдан қандай фойдаланилади

Тавсияда:

– «Бўнак/Олдиндан тўлов» ва «Кредит/Бўлиб-бўлиб тўлаш» тўлов турига эга бўлган чекларни бериш;
– «Бўнак» ва «Кредит» чекларида акс эттириладиган маълумот;
– ҚҚС ва айланмадан олинадиган солиқ бўйича ҳисоботларда чекдаги маълумотларнинг акс эттирилиши;
– бўнак ва кредит тўловларининг чекларини назорат қилиш

Онлайн-НКТ тизимида «Сотиш», «Бўнак» ва «Кредит» тўлов турлари билан чекларни бериш функционаллари назарда тутилган. ҚҚС (ёки айланмадан олинадиган солиқ) ҳисоб-китоби учун солиқ солинадиган базанинг тўғри шакллантирилиши улардан қандай фойдаланишга боғлиқ бўлади.

«Бўнак/Олдиндан тўлов» ва «Кредит/Бўлиб-бўлиб тўлаш» тўлов турига эга чеклар қачон берилади

Ҳар қандай онлайн-НКМ ва виртуал кассада чекни шакллантириш «Сотиш», «Бўнак/Олдиндан тўлов», «Кредит/Бўлиб-бўлиб тўлаш» тугмаларидан бирини босиш орқали тўлов турини танлаш билан бошланади. Шундай қилиб, келгусидаги чекда тўлов тури тўғрисидаги маълумотлар пайдо бўлади, онлайн-НКТ тизими эса ҚҚС ёки айланмадан олинадиган солиқ ҳисоб-китобларини шакллантиришдаги келгуси чекларни аниқлайди.

Мамлакатимизда солиқ солинадиган айланмани аниқлаш учун ҳисоблаш усулидан фойдаланилиши сабабли, товарларни харидорга топшириш ёки шартнома бўйича бажариладиган хизматларнинг кўрсатилишининг якунланиши керакли тугмани танлашда ҳал қилувчи омил бўлиб ҳисобланади.

Онлайн-НКМ ва виртуал кассалар 

«Сотиш» тўлов турига эга чек товарлар харидорга топширилган пайтда ёки хизматларни кўрсатиш якунланганда берилади. Aгар хизматларни кўрсатиш даври битта ой билан чекланмаган бўлса (масалан, ўқув курслари хизматлари), у ҳолда «Сотиш» тўлов турига эга чек ҳар ойда жорий ойнинг...