Солиқ солиш мақсадларида қайси мулкий даромадлар жами даромадга киритилади
Тавсияда:
– мулкий даромадлар қайси ҳолатларда юзага келади;
– мулкий даромадларнинг асосий турлари;
– мулкий даромадларнинг бошқа турлари.
Жами даромад таркибига меҳнатга ҳақ тўлаш тарзидаги даромадлардан ташқари мулкий даромадлар ҳам киритилади. Сиз уларни меҳнат бўйича даромадлардан фарқлай олишингиз керак, чунки уларга «иш ҳақи» солиқларининг ҳаммаси ҳам солинмайди.
Мулкий даромадлар қайси ҳолатларда юзага келади
Ушбу даромадларнинг манбаи – жисмоний шахснинг мол-мулки. Бухгалтерия тили билан айтганда – унинг активлари.
Қуйидагилардан мулкий даромад олиниши мумкин:
- активларга эгалик қилишдан (фоизлар, дивидендлар ва ҳ. к.);
- активларни бошқа шахсларга фойдаланишга топширишдан (мол-мулкни ижарага топширишдан);
- активларни сотишда .
Мулкий даромадларнинг асосий турлари
1. Фоизлар
Бу ҳар қандай турдаги қарз мажбуриятларидан олинган даромадлардир.Облигациялар ва бошқа қимматли қоғозлар, шунингдек депозит омонатлари (банкдаги) бўйича тўловлар шундай номланади . Жисмоний шахсларга тўланадиган фоизларга тўлов манбаида резидентлар учун 5 % ставкада ва норезидентлар учун 10 % ставкада солиқ солинади