Ҳисобдор шахслар билан ҳисоб-китоблар қандай ҳисобга олинади

Тавсияда:

– кимлар ҳисобдор шахс бўлиб ҳисобланиши мумкин;
– ҳисобдор суммаларни бериш учун рухсатномани расмийлаштириш;
– ҳисобдор суммалар қанча муддатга берилади;
– ҳисобдор суммалардан фойдаланганлик учун ҳисобот тақдим этилишининг тартиби;
– ЖШДС бўйича имтиёзларни қўллаш ва уларни бозорда аҳолидан қишлоқ хўжалиги маҳсулотларини харид қилиш тўғрисидаги ҳисоботда акс эттириш;
– сарфланмаган ҳисобдор суммаларни қайтариш;
– ҳисобдор шахсга ҳаражатларни қоплаб бериш;
- ҳисобдор шахслар билан ҳисоб-китобларни бухгалтерия ҳисобида акс эттириш. 

Ҳисобдор шахс деганда – муайян ишни (топшириқни) бажариш учун унга нақд пул маблағлари тарзида ёки корпоратив банк картаси орқали берилган ёки улардан фойдаланганлик тўғрисидаги ҳужжатли асослантирилган ҳисобот тақдим этиш мажбурияти юклатилган шахс тушунилади.

Масалан:

• хизмат сафарига юбориладиган ходимга хизмат сафари харажатлари учун нақд пулда бўнак ёки ушбу харажатларни тўлаш учун корпоратив карта берилади;
• рестораннинг таъминот бўлими ходимига деҳқон бозоридан озиқ-овқатлар харид қилиш учун нақд пул маблағлари берилади;
• қишлоқ хўжалиги маҳсулотларини экспорт қилувчи – корхона ходимига бозордан маҳсулот сотиб олиш учун нақд пул маблағлари берилади.