Чет эллик ходимга иш ҳақини қандай тўлаш керак

Тавсияда:

– чет эллик мутахассисни ёллаш учун зарур ҳужжатлар;
– чет эл фуқаросига иш ҳақини тўлаш валютаси;
– чет эллик резидент ва норезидентнинг иш ҳақидан олинадиган солиқлар;
– солиқ мақоми ўзгарганда ЖШДСни қайта ҳисоб-китоб қилиш;
– чет эллик ходим харажатларини қоплаш.

Чет эллик мутахассисни ёллаш учун қандай ҳужжатлар зарур

Чет эллик мутахассислар Ўзбекистон ҳудудида ишлаш учун меҳнат фаолиятини амалга ошириш ҳуқуқини берувчи тасдиқномани олишлари лозим. Уни олиш тартиби Ягона низомда белгиланган.

Тасдиқномани юридик шахс бўлган иш берувчи ҳам, чет эллик шахс ҳам олиши мумкин. Тасдиқнома ваколатли орган – Камбағалликни қисқартириш ва бандлик вазирлиги ҳузуридаги Ташқи меҳнат миграцияси агентлиги томонидан берилади. Бунинг учун чет эл фуқароси ЯИДХПда ёки «Лицензия» ахборот...