Агар ТХКМ қўшимча ҳужжатлар талаб қилса нима қилиш лозим

Вuxgalter.uz ўқувчиларининг саволларига «Mарон» ТХКМ мутахассиси Рустам ЁҚУБОВ жавоб беради:

-ТХКМ ходимлари 943-сон ВМҚда кўрсатилмаган ҳужжатларни талаб қилишлари мумкинми?

- Ҳа, амалиётда ана шундай бўляпти. Вазиятга боғлиқ ҳолда сиздан албатта қуйидагиларни тақдим этишни сўрашади:

• онлайн-НКМни сотиб олиш бўйича шартноманинг асли ва уни олиш учун ишончнома (агар онлайн-НКМ ТХКМда ёки унинг филиалида сотиб олинса);
• мувофиқлик сертификати нусхаси (агар онлайн-НКМ ёки виртуал касса ТХКМда ёки унинг филиалида сотиб олинмаса). Бироқ ҳозирги кунда бу вариантнинг эҳтимоли кам, сабаби онлайн-НКМни ишлаб чиқарувчилар ва импорт қилувчилар қурилмани асосан ТХКМ орқали қатъий белгиланган нархда реализация қилишади.