Полезное для бухгалтера в ноябре:
Ўзбекистон корхонаси ишга жалб қилинган чет эллик мутахассисларнинг меҳмонхонада яшаши учун ҳақ тўлади. Ушбу операциянинг солиқ оқибатлари ҳақида Молия вазирлигининг бевосита солиқлар бўлими бошлиғи Умид ҲАМРОЕВ гапириб берди.
- Агар гап йўл харажатлари учун пул, яъни ходим бошқа жойга ишга ўтказилганда ёхуд кўчиб борганда хонани ижарага олиш ҳақида борса - корхонанинг бундай харажатлари ходимларнинг даромадлари сифатида ҳисобланмайди 
.
Бошқа ҳолларда солиқ оқибатлари қуйидагича бўлади:
ЖШДС
Корхонанинг таклиф қилинган чет эллик мутахассисларга меҳмонхона хизмати кўрсатишга харажатлари - бу уларнинг моддий наф тарзидаги даромадлари .
Жисмоний шахсларга даромадлар тўловчи солиқ агентларида моддий наф тарзидаги даромадларга, қуйидаги чет эллик жисмоний шахслар даромадларига ЖШДС солинади :
- Ўзбекистон резидентлари - 12% ставка бўйича ;
- Ўзбекистон норезидентлари - солиқ имтиёзларини қўлламасдан 20% ставка бўйича .
Бунда Ўзбекистоннинг иккиёқлама солиқ солишни олдини олиш тўғрисидаги халқаро шартномалари қоидаларини ҳисобга олиш зарур. Ушлаб қолинмаган тақдирда, солиқ агенти ушлаб қолинмаган суммани ва у билан боғлиқ пеняни бюджетга ўтказиши шарт .
Фойда солиғи
Фойда солиғини ҳисоблаб чиқаришда корхонанинг жисмоний шахсларнинг моддий наф тарзидаги даромадлари ҳисобланган харажатлари солиқ базасидан чегириб ташланмайди .
Агар корхона ЖШДСни ўз маблағлари ҳисобидан тўласа, ушбу харажатлар фойда солиғини ҳисоблаб чиқаришда бошқа шахслар учун тўланган солиқлар сифатида чегириб ташланмайди .
ҚҚС
Корхона фойда солиғини ҳисоблаб чиқаришда чегириб ташланмайдиган харажатларни амалга оширганда тўлаган (тўлаши лозим бўлган) ҚҚСни ҳисобга олишга ҳақли эмас . Ҳисобга олинмайдиган солиқ суммаси сотиб олинган товарларнинг (хизматларнинг) қийматида ҳисобга олинади .
Эътибор беринг!Агар сиз меҳмонхона хизматлари кўрсатиш учун Ўзбекистондан ташқарида Ўзбекистон норезиденти бўлган юридик шахсга ҳақ тўлаган бўлсангиз, сизда қуйидагилар бўйича солиқ оқибатлари юзага келмайди:
- ҚҚС бўйича, сабаби Ўзбекистон хизматларни реализация қилиш жойи ҳисобланмайди ;
- норезидент бўлган юридик шахслар даромадларидан олинадиган фойда солиғи бўйича, сабаби ушбу даромадлар норезидент бўлган юридик шахсларнинг Ўзбекистондаги манбалардан олинган даромадларига кирмайди .
