Чек дафтарчасидан қандай фойдаланиш керак

Тавсияда:

– пул чеки бўйича ким пул олиш ҳуқуқига эга;
– чек бланкаси қандай тўлдирилади;
– чекнинг олд томони;
– чекнинг орқа томони;
– чек бўйича нақд пулни қандай олиш мумкин;
– чек нотўғри расмийлаштирилган бўлса нима қилиш керак;
– банк ўзгарганда чек дафтарчасини нима қилиш керак;
– чек дафтарчаси қандай сақланади;
– чек дафтарчаси йўқолганда нима қилиш керак.

Банкдан нақд пул олиш учун чек дафтарчасини олинг. Уни асосий ҳисоб-китоб ҳисобварағингиз очилган хизмат кўрсатувчи банк беради.

Чек дафтарчасини олиш учун ариза ёзинг, ташкилот раҳбари ва бош бухгалтерга имзолатинг, муҳр босинг (агар мавжуд бўлса). Қонунчиликда қатьий ариза шакли мавжуд эмас. Ҳар бир банк чек дафтарчаси учун ариза шаклини ўзи тасдиқлайди.

Чек дафтарчаси учун тўлов амалга ошириш керак бўлади. Тўлов миқдорини банкнинг ўзи белгилайди, уни хизмат кўрсатувчи банк шартномасидан билиб олишингиз мумкин.

Чек дафтарчасини ташкилот директори ёки у ваколат берган шахс олиши мумкин. Иккинчи ҳолатда эса вакилингизга ишончнома расмийлаштиринг. Уни нотариал тасдиқлатиш шарт эмас.

Чек дафтарчасининг амал қилиш муддати қонун билан чекланмаган. Пул чеки бланкалари тугамагунча ундан фойдаланинг.

Пул чеки бўйича ким пул олиш ҳуқуқига эга

Чек бўйича нақд пулни директор ёки ишончнома бўйича ташкилотнинг бошқа ходими олиши мумкин.

Чек бўйича пуллар фақат ишончли шахсга (ташкилот вакилига) шахсини тасдиқловчи ҳужжати бўлгандагина берилади. Шунинг учун банкка нақд пулни оладиган ходимнинг паспорт нусхаси билан унга берилган ишончномани тақдим қилинг. Ишончномани ташкилотнинг фирма бланкаси ёки банкнинг намунавий бланкасида расмийлаштиринг.

Агар чек бўйича пулни фақат ташкилот кассири оладиган бўлса, унда ишончномани бир йилга расмийлаштиринг.

Чек орқали пул олиш ҳуқуқини бошқа шахсга ўтказишга йўл...