Корхонанинг айланма маблағлари қандай тўлдирилади
Тавсияда:
– айланма маблағларни тўлдиришнинг қандай усуллари мавжуд;
– муассиснинг қўшимча ҳиссаси қандай ҳисобга олинади:
УФга ҳисса киритилганда қандай солиқларни тўлайди:
маблағларни олувчи;
муассис;
– қарз маблағлари олиниши қандай ҳисобга олинади:
қарз бўйича қандай солиқларни тўлайди:
қарз олувчи;
қарз берувчи;
– беғараз ёрдам олиниши қандай ҳисобга олинади:
беғараз ёрдам бўйича қандай солиқларни тўлайди:
ёрдам олувчи;
ҳадя қилувчи.
Айланма маблағлар – битта ишлаб чиқариш цикли давомида истеъмол қилинадиган корхона активлари. Айланма маблағлар қуйидагиларни ўз ичига олади: пул маблағлари, товарлар, хом ашё ва материаллар, ёқилғи, ярим тайёр маҳсулотлар, эҳтиёт қисмлар ва активларнинг бошқа турлари.
Айланма маблағларни тўлдириш усуллари
Корхонанинг айланма маблағларини қуйидаги йўл билан тўлдириш мумкин:
- муассисларнинг устав фондига (УФ) қўшимча ҳиссаларни киритиши;
- қарз олиш;
- беғараз ёрдам олиш.
Муассиснинг қўшимча ҳиссасини ҳисобга олиш
УФ тўлиқ шакллантирилганидан сўнг корхона муассислари пул маблағлари ёки мол-мулк кўринишида қўшимча ҳиссаларни киритишлари мумкин.
Қуйидагилар асосида қўшимча ҳиссалар ҳисобига устав фондини кўпайтириш тўғрисида қарор қабул қилинади:
- муассиснинг қарори, агар у жамиятнинг ягона иштирокчиси (муассиси) бўлса;
- муассислар умумий йиғилишининг баённомаси, агар жамиятда 2 ёки ундан ортиқ муассис бўлса.
Қўшимча ҳисса киритиш масаласи муассисларнинг умумий йиғилишида муҳокама қилинади. Ушбу масала юзасидан ижобий қарор қабул қилиш учун жамият иштирокчилари умумий овозлари сонининг камида 2/3 қисмининг розилиги зарур .
![lock lock](/files/buhgalter.uz/new_2020/img/lock-lines.png)