Айланмадан олинадиган солиқ ҳисоботлари қандай тақдим этилади
Тавсияда:
– айланмадан олинадиган солиқ ҳисоботларини тақдим этиш муддатлари;
– Айланмадан олинадиган солиқ ҳисоб-китобини тўлдириш чоғида нималарга эътибор бериш лозим;
– Айланмадан олинадиган солиқ ҳисоб-китобини тўлдириш тартиби.
Айланмадан олинадиган солиқ ҳисоботлари қачон тақдим этилади
Айланмадан олинадиган солиқ бўйича солиқ даври – календарь йил, ҳисобот даври – бир ой .
Айланмадан олинадиган солиқ ҳисоботларини ДСИга тақдим этинг :
- ҳар ойда – ҳисобот давридан кейинги ойнинг 15-кунидан кечиктирмай;
- йил якунлари бўйича – кейинги йилнинг 15-февралидан кечиктирмай.
Айланмадан олинадиган солиқ ҳисоб-китобини тўлдириш чоғида нималарга эътибор бериш лозим
2024 йилдан бошлаб айланмадан олинадиган солиқ ҳисоботлари (коди 10104_33) автоматик равишда тўлдирилади. Ҳисоботда қўлда тўлдирилиши мумкин бўлган ҳаворанг катаклар назарда тутилмаган. Энди нафақат даромадлар ЭҲФ, онлайн-НКТ, БЮД ва маркетплейслар маълумотлари асосида акс эттирилади, балки солиқ базаси солиқ органларига мурожаат йўллаш орқали камайтирилади.
Ҳисоботни тўлдиришдан олдин:
1) ўтган ой учун барча ЭҲФни расмийлаштиринг;
2) барча даромадларингиз Ҳисоб-китобда акс эттирилган-акс эттирилмаганини солиштириш учун Ҳисоб-китобга бириктирилган ҳужжатлар рўйхатини олинг