ЎзР Қонунлари

Август

Ҳужжатнинг тўлиқ матни nrm.uz сайтида пуллик тариф фойдаланувчилари учун мавжуд. Саволлар бўйича 1172 қисқа рақамига қўнғироқ қилинг.

2017

СОЛИҚ ТЎЛОВЧИНИНГ

ТАҚВИМИ

(юридик шахслар учун)

АВГУСТ

ИШ ВАҚТИ ҲИСОБ-КИТОБИ (СОАТЛАРДА):

5 кунлик (40 соатли) иш ҳафтасида - 183

6 кунлик (40 соатли) иш ҳафтасида - 180

36 соатли иш ҳафтасида - 161

ИШ КУНЛАРИ СОНИ:

5 кунлик иш ҳафтасида - 23

6 кунлик иш ҳафтасида - 27

3
- 2017 йил июль ойининг III ўн кунлиги учун транспорт воситаларига бензин, дизель ёқилғиси ва газ ишлатганлик учун солиқни тўлашнинг сўнгги куни
		Солиқ кодекси, 304-модда, тўртинчи қ исм.

5	********
- 2017 йилнинг июль ойида натура шаклида тўланган даромадлардан жисмоний шахслардан олинадиган даромад солиғини тўлашнинг сўнгги куни
		Солиқ кодекси, 188-модда, биринчи қ исм.

9
- 2017 йилнинг II чораги учун вазирликлар, идоралар, уюшмалар, корпорациялар, концернлар ва давлат мулкини бошқарувчи бошқа органлар томонидан молиявий ҳисоботни тақдим этишнинг сўнгги куни
		АВ томонидан 3.07.2000 йилда 942-сон билан рўйхатдан ўтказилган Чораклик ва йиллик молиявий ҳисоботларни тақдим этиш муддатлари тўғрисидаги низомнинг 1-банди.

10
- 2017 йилнинг август ойи учун фойда солиғи бўйича жорий тўловни тўлашнинг сўнгги куни*
		Солиқ кодекси, 164-модда, учинчи ва тўртинчи қ исмлар;
- 2017 йилнинг июль ойи учун акциз солиғи бўйича ҳисоб-китобни тақдим этиш ва жорий тўловни тўлашнинг сўнгги куни
		Солиқ кодекси, 239-модда; 240-модда, биринчи қ исм;
- 2017 йилнинг август ойи учун мол-мулк солиғи бўйича жорий тўловни тўлашнинг сўнгги куни**
		Солиқ кодекси, 271-модда, бешинчи қ исм;
- 2017 йилнинг август ойи учун ободонлаштириш ва ижтимоий инфратузилмани ривожлантириш солиғи бўйича жорий тўловни тўлашнинг сўнгги куни***
		Солиқ кодекси, 300-модда, тўртинчи ва бешинчи қ исмлар;
- 2017 йилнинг июль ойи учун бозорлар ва устав фондида (устав капиталида) давлат улуши камида 51%ни ташкил этган савдо мажмуалари олган даромадлари ва бюджетга маблағлар ўтказгани тўғрисида маълумотларни тақдим этишнинг сўнгги куни
		Солиқ кодекси, 387-модда, бешинчи, олтинчи ва еттинчи қ исмлар;
- 2017 йилнинг июль ойи учун меҳнатда шикастланиш ёки касб касалликлари оқибатида тайинланган пенсиялар тўлови бўйича харажатларни қоплаш учун маблағларни тўлашнинг сўнгги куни
		АВ томонидан 3.11.2016 йилда 2836-сон билан рўйхатдан ўтказилган Ягона ижтимоий тўловни тақсимлаш, шунингдек харажатларни қоплаш бўйича суммаларнинг тўланишини ҳамда ташкилотлар томонидан пенсия, нафақа ва бошқа тўловлар учун харажатлар амалга оширилиши тартиби тўғрисидаги низомнинг 17-банди.

13	********
- 2017 йил август ойининг I ўн кунлиги учун транспорт воситалари учун бензин, дизель ёқилғиси ва газ ишлатганлик учун солиқни тўлашнинг сўнгги куни
		Солиқ кодекси, 304-модда, тўртинчи қ исм.

14
- 2017 йилнинг II чораги учун ер солиғини тўлашнинг сўнгги куни****
		Солиқ кодекси, 286-модда, биринчи ва учинчи қ исмлар;
- 2017 йилнинг июль ойи учун Халқ банкига жамғариб бориладиган пенсия тизимида иштирок этувчи ходимларнинг ШЖБПҲга бадаллари реестрини тақдим этишнинг сўнгги куни
		ВМнинг 21.12.2004 йилдаги 595-сон қ арори билан тасдиқланган, 16-банд; МВ, ДСҚ ва МБ бошқарувининг АВ томонидан 6.10.2005 йилда 1515-сон билан рўйхатдан ўтказилган қ арори билан тасдиқланган Иш берувчилар томонидан фуқароларнинг шахсий жамғариб бориладиган пенсия ҳисобварақларига мажбурий бадалларни қўшиш ва тўлаш тартиби тўғрисида низомнинг 10-банди.

15
- 2017 йилнинг июль ойи учун акцизли товарларнинг айрим турларини сотиш ҳажмлари (ички бозорда янги автомобиллар, алкоголли ва тамаки маҳсулотлари, ўсимлик мойи, автомобиль бензини, дизель ёқилғисини сотиш) тўғрисида маълумотларни тақдим этишнинг сўнгги куни
		ДСҚнинг АВ томонидан 27.01.2010 йилда 2074-сон билан рўйхатдан ўтказилган "Акцизли товарларнинг айрим турларини сотиш ҳажмлари тўғрисидаги маълумот шаклини тасдиқлаш ҳақида"ги қарорининг 2-банди.

23
- 2017 йил август ойининг II ўн кунлиги учун транспорт воситалари учун бензин, дизель ёқилғиси ва газ ишлатганлик учун солиқни тўлашнинг сўнгги куни
		Солиқ кодекси, 304-модда, тўртинчи қ исм.

24
- 2017 йилнинг июль ойи учун цемент ва клинкерга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни
		МВ ва ДСҚнинг АВ томонидан 24.02.2009 йилда 1908-сон билан рўйхатдан ўтказилган қ арори билан тасдиқланган Цементга ва клинкерга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12-13-бандлари;
- 2017 йилнинг июль ойи учун табиий газга қўшимча фойда солиғи бўйича ҳисоб-китобни тақдим этиш ва солиқни тўлашнинг сўнгги куни
		МВ ва ДСҚнинг АВ томонидан 24.02.2009 йилда 1909-сон билан рўйхатдан ўтказилган қ арори билан тасдиқланган Табиий газга қўшимча фойда солиғини ҳисоблаб чиқариш ва бюджетга тўлаш тартиби тўғрисида низомнинг 12-13-бандлари.

25
- 2017 йилнинг июль учун ??С ҳисоб-китобини тақдим этиш ва солиқни тўлашнинг сўнгги куни*****
		Солиқ кодекси, 225-модда биринчи қ исм; 226-модда, биринчи қ исм;
- 2017 йилнинг июль ойи учун ер қаъридан фойдаланганлик учун солиқни тўлашнинг сўнгги куни*****
		Солиқ кодекси, 247-модда, учинчи қ исм;
- 2017 йилнинг июль ойи учун сув ресурсларидан фойдаланганлик учун солиқ бўйича жорий тўловни тўлашнинг сўнгги куни******
		Солиқ кодекси, 264-модда, биринчи ва учинчи қ исмлар;
- 2017 йилнинг июль ойи учун ягона ижтимоий тўлов ва суғурта бадаллари ҳисоб-китобини тақдим этиш ва тўлашнинг сўнгги куни
		Солиқ кодекси, 310-модда, учинчи ва тўртинчи қ исмлар;
- 2017 йил июль ойи учун бюджетдан ташқари Пенсия жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно*****)
		Солиқ кодекси, 312-модда, иккинчи қ исм; 315-модда, учинчи қ исм;
- 2017 йил июль ойи учун Республика йўл жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно*****)
		Солиқ кодекси, 316-модда, иккинчи қ исм; 319-модда, учинчи қ исм;
- 2017 йилнинг июль ойи учун Умумтаълим мактаблари, касб-ҳунар коллежлари, академик лицейлар ва тиббиёт муассасаларини реконструкция қилиш, мукаммал таъмирлаш ва жиҳозлаш жамғармасига мажбурий ажратмаларни тўлашнинг сўнгги куни (акциз солиғи солинадиган маҳсулот ишлаб чиқарадиган ва ер қаъридан фойдаланганлик учун солиқ солинадиган фойдали қазилмаларни кавлаб оладиган микрофирмалар ва кичик корхоналар бундан мустасно*****)
		Солиқ кодекси, 325-1-модда, иккинчи қ исм; 325-4-модда, учинчи қ исм;
- 2017 йилнинг июль ойи учун товарларнинг айрим турлари (алкоголли маҳсулотлар, қимматбаҳо металлар ва қимматбаҳо тошлардан ясалган буюмлар) билан чакана савдо қилиш ва айрим турдаги хизматлар кўрсатиш (автотранспортни вақтинча сақлаш бўйича пулли хизматлар) ҳуқуқи учун йиғимни тўлашнинг сўнгги куни
		Солиқ кодекси, 347-модда, учинчи қ исм;
- 2017 йил июль ойи учун ягона солиқ тўловини тўлашнинг сўнгги куни*******
		Солиқ кодекси, 360-модда, бешинчи қ исм;
- 2017 йилнинг июль ойи учун фаолиятнинг айрим турларини амалга оширувчи юридик шахслар томонидан қатъий белгиланган солиқни тўлашнинг сўнгги куни
		Солиқ кодекси, 372-модда, еттинчи қ исм;
- 2017 йилнинг июль ойи учун чакана савдо тармоғида сотиладиган олтиндан ишланган заргарлик буюмларига акциз солиғини тўлашнинг сўнгги куни
		МВ ва ДСҚнинг АВ томонидан 16.02.2012 йилда 2328-сон билан рўйхатдан ўтказилган қ арори билан тасдиқланган Чакана савдо тармоғида сотиладиган олтиндан ишланган заргарлик буюмларига акциз солиғини ҳисоблаб чиқариш ва тўлаш тартиби тўғрисидаги низомнинг 19-банди.

31
- Ягона ер солиғини тўлашга ўтмаган қишлоқ хўжалиги корхоналари томонидан 2017 йил учун йиллик ер солиғи суммасининг 30%ини тўлашнинг сўнгги куни
		Солиқ кодекси, 286-модда, учинчи қ исм;
- 2017 йил учун ягона ер солиғи йиллик суммасининг 30%ини тўлашнинг сўнгги куни
		Солиқ кодекси, 369-модда, бешинчи қ исм.

*) Ҳисобот давридаги тахмин қилинаётган солиқ солинадиган фойдаси ЭКИҲнинг 200 бараваридан кам бўлган корхоналардан ташқари.

**) Мол-мулк бўйича жорий тўловларни ҳар чоракнинг учинчи ойи 25-кунидан кечиктирмай тўлайдиган микрофирмалар ва кичик корхоналар бундан мустасно.

***) Ободонлаштириш ва ижтимоий инфратузилмани ривожлантириш солиғи бўйича жорий тўловлар ҳисобот давридаги солиқ солинадиган базаси ЭКИҲнинг 200 бараваригача миқдорда бўлган солиқ тўловчилар томонидан тўланмайди.

****) Ягона ер солиғини тўлашга ўтмаган қишлоқ хўжалиги корхоналари томонидан ер солиғини тўлаш қуйидаги тартибда амалга оширилади:

ҳисобот йилининг 1 сентябрига қадар - йиллик солиқ суммасининг 30%и;

ҳисобот йилининг 1 декабрига қадар - солиқнинг қолган суммаси.

*****) Ушбу микрофирмалар ва кичик корхоналар солиқни ҳисоб-китоб тақдим этилган кундан кечиктирмай, яъни ҳар чоракда, ҳисобот давридан кейинги ойнинг 25-кунидан кечиктирмай тўлайдилар. Умумбелгиланган солиқларни тўлайдиган қолган микрофирмалар ва кичик корхоналар 2013 йил 1 январдан давлат мақсадли жамғармаларига мажбурий ажратмалар тўловчилари ҳисобланмайдилар.

******) Ягона ер солиғини тўлашга ўтмаган қишлоқ хўжалиги корхоналари, республикада доимий муассаса орқали фаолиятни амалга оширадиган Ўзбекистон норезидентлари, шунингдек юридик шахсни ташкил этган ва ташкил этмаган де??он хўжаликлари бундан мустасно.

Солиқ даврида сув ресурсларидан фойдаланганлик учун солиқнинг умумий суммаси ЭКИҲнинг 200 бараваридан кам бўлган юридик шахслар, шунингдек микрофирмалар ва кичик корхоналар жорий тўловларни ҳар чоракнинг учинчи ойи 25-кунидан кечиктирмай тўлайдилар.

*******) Солиқни Ҳисоб-китобни тақдим этиш кунидан кечиктирмай, ҳар чоракда, ҳисобот давридан кейинги ойнинг 25-кунидан кечиктирмай тўлайдиган микрофирмалар ва кичик корхоналар бундан мустасно.

********) Муддатнинг сўнгги куни дам олиш (ишланмайдиган) кунига тўғри келиб қолса, муддатнинг тугаш куни бўлиб ундан кейин келувчи биринчи иш куни ҳисобланади.

Солиқ тўловчининг тақвими - “Солиқ ва божхона хабарлари” газетаси экспертларининг муаллифлик ишланмасидир. Унинг бошқа ОАВларда қайтадан чоп этилиши ва электрон маълумотлар базаларида жойлаштирилишига “Norma” gazetalari birlashgan tahririyati” МЧЖ ёки “Norma Hamkor” МЧЖ билан тузилган шартнома асосидагина йўл қўйилади.