XVI Бўлимга эслатма

XVI Бўлимга эслатма

Изоҳлар:

1. Мазкур бўлимга қуйидагилар киритилмайди:

(а) 39-гуруҳ пластмассасидан ёки вулканизацияланган резинадан конвейер ленталари ёки айлантирувчи камарлар ёки бельтинг (4010 товар позицияси), машиналарда ёки механик ёхуд электрик қурилмаларда ёки бошқа техник мақсадлар учун ишлатиладиган, вулканизацияланган резинадан тайёрланган, қаттиқ резинадан ташқари, қурилмалар ёки бошқа буюмлар (4016 товар позицияси);

(б) машиналарда ёки механик қурилмаларда ёхуд бошқа техник мақсадларда фойдаланиладиган, табиий теридан ёки композицион теридан буюмлар (4205 товар позицияси) ёхуд табиий мўйнадан буюмлар (4303 товар позицияси);

(в) бобиналар, ғалтаклар, шпуллар, конуслар, ўзаклар, гильзалар ёки ҳар қандай материаллардан шу каби ташувчилар (масалан, 39, 40, 44 ёки 48-гуруҳ ёхуд XV бўлим);

(г) жаккард машиналари ёки шу каби машиналар учун перфокарталар (масалан, 39 ёки 48-гуруҳ ёхуд XV бўлим);

(д) тўқимачилик материалларидан конвейер ленталари ёки айлантирувчи камарлар ёки бельтинг (5910 товар позицияси) ёки техник мақсадлар учун тўқимачилик материалларидан бошқа буюмлар (5911 товар позицияси);

(е) 7102 - 7104 товар позицияларининг қимматбаҳо ёки ярим қимматбаҳо тошлари (табиий, сунъий ёки реконструкция қилинган) ёки тўлиқ юқорида кўрсатилган тошлардан тайёрланган 7116 товар позициясининг буюмлари, товуш олувчи игналар учун мўлжалланган ва уларга маҳкамланмаган, ишлов берилган сапфир ва олмослардан ташқари (8522 товар позицияси);

(ж) ноқимматбаҳо металлдан тайёрланган, XV бўлим изоҳларининг 2-бандида тавсифланган умумий мақсад учун қисмлар (XV бўлим), ёки пластмассадан тайёрланган шу каби товарлар (39-гуруҳ);

(з) одатий бурғилаш қувурлари (7304 товар позицияси);

(и) металл сим ёки полосадан чексиз ленталар (XV бўлим);

(к) 82 ёки 83-гуруҳ буюмлари;

(л) XVII бўлим буюмлари;

(м) 90-гуруҳ буюмлари;

(н) барча турдаги соатлар ёки 91-гуруҳнинг бошқа буюмлари;

(о) 8207 товар позициясининг алмашинадиган ишчи асбоблари ёки машиналарнинг қисмлари ҳисобланувчи четкалар (9603 товар позицияси); ишчи қисми тайёрланган материал билан мувофиқликда таснифланадиган шу каби алмашинадиган асбоблар (масалан, 40, 42, 43, 45 ёки 59-гуруҳларда ёхуд 6804 ёки 6909 товар позицияларида);

(п) 95-гуруҳ буюмлари; ёки

(р) ёзув машинкалари учун ленталар ёки ғалтакларда ёки кассеталарда ёки уларсиз шу каби ленталар (тайёрланган материали билан мувофиқликда таснифланади ёки агар улар сиёҳ билан шимдирилган бўлса ёки изларни олиш учун бошқа усулда ишлов берилган бўлса, 9612 товар позициясида таснифланади), ёки якка тиргаклар, икки оёқлик тиргаклар, уч оёқлик тиргаклар ва 9620 товар позициясининг шу каби буюмлари.

2. Ушбу бўлим изоҳларининг 1-банди, 84-гуруҳ изоҳларининг 1-банди ва 85-гуруҳ изоҳларининг 1-банди талабларига риоя қилиш шарти билан, машиналарнинг қисмлари (8484, 8544, 8545, 8546 ёки 8547 товар позициялари буюмларининг қисмларидан ташқари) қуйидаги қоидаларга мувофиқ таснифланиши керак:

(а) 84 ёки 85-гуруҳларнинг бирорта товар позициясига (8409, 8431, 8448, 8466, 8473, 8487, 8503, 8522, 8529, 8538 ва 8548 товар позицияларидан ташқари) киритилган товарлар ҳисобланувчи қисмлар барча ҳолатларда улар учун кўзда тутилган товар позицияларида таснифланиши керак.

(б) фақат ёки асосан машиналарнинг бир типи билан ёки худди шу товар позициясининг бир қанча машиналарида (шу жумладан 8479 ёки 8543 товар позицияларининг машиналари) ишлатиш учун учун мўлжалланган бошқа қисмлар шу машиналар билан бирга ёки мос равишда 8409, 8431, 8448, 8466, 8473, 8503, 8522, 8529 ёки 8538 товар позициясида таснифланиши керак. Бироқ, асосан, 8517 ва 8525 - 8528 товар позицияларининг товарлари билан ишлатиш учун тенг яроқли бўлган қисмлар 8517 товар позициясида таснифланади, фақат ёки асосан 8524 товар позициясининг товарлари билан ишлатиш учун яроқли бўлган қисмлар эса 8529 товар позициясида таснифланиши керак;

(в) қолган барча бошқа қисмлар мос равишда 8409, 8431, 8448, 8466, 8473, 8503, 8522, 8529 ёки 8538 товар позициясида ёхуд бундан ташқари 8487 ёки 8548 товар позициясида тавсифланади.

3. Икки ёки ундан ортиқ ўзаро бир-бирини тўлдирувчи ёки бир-бири билан боғлиқ бўлмаган функцияларни бажаришга мўлжалланган, бир яхлитликни хосил қилиш учун бирга боғланган икки ёки ундан ортиқ машиналардан ташкил топган комбинацияланган машиналар, ва бошқа машиналар, агар контекстда бошқа нарса белгиланган бўлмаса, фақат асосий функцияни бажарувчи компонентдан иборат ёки шундай машина сифатида таснифланиши керак.

4. Агар машина (шу жумладан комбинацияланган машина) 84 ёки 85-гуруҳ товар позицияларидан бири билан қамраб олинган, аниқ белгиланган функцияни биргаликда бажариш учун мўлжалланган алоҳида компонентлардан ташкил топган бўлса (улар алоҳида жойлашганлиги ёки ўтказувчи қувурлар, трансмиссион қурилмалар, электр кабеллар ёхуд бошқа қурилмалар орқали боғланганлигидан қатъий назар), бундай машина белгиланган функцияга мувофиқ бўлган товар позициясида таснифланади.

5. Мазкур изоҳларда "машина" атамаси 84 ёки 85-гуруҳ товар позицияларига кирувчи исталган машина, ускуна, механизм, агрегат, қурилма, аппарат ёки мосламани англатади.

6. (A) Бутун Номенклатура бўйича "электротехник ёки электрон буюмларнинг чиқиндилари ва ломи" ифодаси электрик ёки электрон йиғмалар, босма платалар, шунингдек, электротехник ёки электрон буюмларни англатадики, улар:

(i) бузилиш, кесилиш ёки бошқа сабаблар оқибатида бошланғич вазифасини бажариши учун ишлатишга яроқсиз бўлиб қолган ёки уларни таъмирлаш, тиклаш ёки бошланғич вазифасига мувофиқ бўлиши учун модернизация қилиш иқтисодий жиҳатдан мақсадга мувофиқ эмас; ва

(ii) ташиш, юклаш ва туширишдаги шикастланишдан алоҳида буюмларнинг ҳимоясини таъминлай олмайдиган услуб билан қадоқланган ва юкланган.

(Б) "Электротехник ёки электрон буюмларнинг чиқиндилари ва ломи" ҳамда бошқа чиқиндилар ва ломнинг аралашмасидан иборат партиялар 8549 товар позициясида таснифланиши керак.

(В) Мазкур бўлимга 38-гуруҳ изоҳларининг 4-бандида таърифи келтирилган шаҳар хўжалиги чиқиндилари киритилмайди.

Қўшимча изоҳлар:

1. Машиналарни йиғиш ёки уларга хизмат кўрсатиш учун зарур бўлган асбоблар шу машиналар билан бирга таснифланиши керак, агар улар билан бирга импорт қилинса. Машиналар билан бирга импорт қилинадиган алмаштириладиган асбоблари, агар бу асбоблар одатдаги машинанинг қисмини ташкил этса ва одатда машина билан бирга сотиладиган бўлса, улар бирга таснифланиши керак.

2. Божхона органларининг талаблари бўйича декларант декларацияда маълум қилинган маълумотларни тасдиқлаш учун машинанинг тавсифи, унинг ишлатилиш мақсади ва асосий характеристикалари, йиғилмаган ёки қисмларга ажратилган машина ҳолатида эса - йиғиш схемаси ва турли юк ўринларидагиларнинг таркиби рўйхатини ифодаловчи иллюстрацияланган ҳужжатларни (масалан, йўриқномалар, проспектлар, каталогнинг варағи, фотосурат) тақдим этиши керак.

3. Декларантнинг мурожаати бўйича ва масъул идоралар томонидан ўрнатилган шартларга риоя қилинган тақдирда, Номенклатурани Талқин этишнинг асосий қоидаларининг 2(а) қоидаси божхона чегараси орқали алоҳида партияларда ўтказиладиган машиналарга ҳам қўлланилади.