ЎЗБЕКИСТОН РЕСПУБЛИКАСИ

АДЛИЯ ВАЗИРЛИГИ ТОМОНИДАН

РЎЙХАТГА ОЛИНГАН

18.05.2026 й.

N 2257-7

ҚАРОРИ

Ҳужжатнинг рус тилидаги

матнига қаранг

Риэлторлик ташкилотлари учун жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини тарқатишни

молиялаштиришга қарши курашиш бўйича ички назорат

қоидаларига ўзгартириш ва қўшимчалар киритиш тўғрисида

Ўзбекистон Республикаси Президентининг 2021 йил 28 июндаги ПФ-6252-сон "Ўзбекистон Республикасининг жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш миллий тизимини ривожлантириш стратегиясини тасдиқлаш тўғрисида"ги Фармонига мувофиқ Ўзбекистон Республикаси Давлат активларини бошқариш агентлиги ва Ўзбекистон Республикаси Бош прокуратураси ҳузуридаги Иқтисодий жиноятларга қарши курашиш департаменти ҚАРОР ҚИЛАДИ:

1. Ўзбекистон Республикаси Давлат мулкини бошқариш давлат қўмитаси ҳамда Ўзбекистон Республикаси Бош прокуратураси ҳузуридаги Солиқ, валютага оид жиноятларга ва жиноий даромадларни легаллаштиришга қарши курашиш департаментининг 2011 йил 8 августдаги 01/19-18/04 ва 27-сон қарори (рўйхат рақами 2257, 2011 йил 24 август) (Ўзбекистон Республикаси қонун ҳужжатлари тўплами, 2011 й., 34-35-сон, 357-модда) билан тасдиқланган Риэлторлик ташкилотлари учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича ички назорат қоидаларига иловага мувофиқ ўзгартириш ва қўшимчалар киритилсин.

2. Мазкур қарор расмий эълон қилинган кундан эътиборан уч ойдан сўнг кучга киради.

         

Қарорга

ИЛОВА

Риэлторлик ташкилотлари учун жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини тарқатишни

молиялаштиришга қарши курашиш бўйича ички назорат

қоидаларига киритилаётган ўзгартириш ва қўшимчалар

1. Муқаддима қуйидаги таҳрирда баён этилсин:

"Мазкур Қоидалар риэлторлик ташкилотлари учун жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш мақсадида ички назоратни ташкил этиш ва амалга ошириш тартибини белгилайди.".

2. 4-банд қуйидаги таҳрирда баён этилсин:

"4. Жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш учун ички назоратини ташкил этиш мақсадида риэлторлик ташкилотларда ушбу Қоидаларга риоя этилиши учун раҳбар ёки унинг ўринбосари даражасида масъул шахс (бундан буён матнда масъул шахс деб юритилади) тайинланади.

Раҳбар ўринбосари даражасидаги масъул шахс бевосита раҳбарга ҳисобдор ҳамда ўз ҳаракатларини амалга оширишда ташкилотнинг бошқа бўлинмаларидан мустақил ҳисобланади.

Масъул шахс Ўзбекистон Республикасининг риэлторлик фаолияти тўғрисидаги қонунчилик ҳужжатларини, шунингдек жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш соҳасидаги қонунчиликни ҳамда халқаро стандартларни билиши лозим.".

3. 4-1-банд қуйидаги таҳрирда баён этилсин:

"4-1. Ҳар бир риэлторлик ташкилоти қонунчиликка ҳамда ушбу Қоидаларга асосан қуйидагиларни ўз ичига олган ички қоидаларни ишлаб чиқиши, тасдиқлаши ва амалга киритиши лозим:

масъул шахсга қўйиладиган талаблар, унинг мақсади ва вазифалари;

масъул шахснинг риэлторлик ташкилотининг бошқа ходимларидан мустақиллигини таъминлаш усуллари;

масъул шахснинг раҳбарият билан, шу жумладан хориждаги филиал ва ваколатхоналар (агар бўлса) билан ўзаро муносабатлари;

масъул шахснинг функцияларини амалга ошириш учун зарур ахборотни олиш ҳуқуқи, шунингдек риэлторлик ташкилоти, шу жумладан чет элдаги филиаллар ва ваколатхоналар (агар бўлса) ходимларининг бундай ахборотни тақдим этиш масалалари бўйича ҳамкорлик қилиш мажбурияти;

масъул шахснинг қонунчилик ва ички ҳужжатлар талаблари бузилишларини ўрганиш ҳуқуқи;

масъул шахснинг малакасини ошириб бориш бўйича талаблар;

махсус ваколатли давлат органининг қўшимча маълумотларни тақдим этиш ҳақидаги сўровларни ва мижозларнинг пул маблағлари ёки бошқа мол-мулк билан боғлиқ операцияларни тўхтатиб туриш ҳақидаги талабномасини ўз вақтида бажариш бўйича чоралар;

масъул шахс томонидан махсус ваколатли давлат органининг расмий веб-сайтидаги шахсий кабинетни юритиш тартиби;

таваккалчиликларни аниқлаш, баҳолаш, мониторинг қилиш, бошқариш, камайтириш ва ҳужжатлаштириш бўйича тегишли чораларни кўриш тартиби;

мижозларни лозим даражада текшириш, шу жумладан, мижозларни ва уларнинг бенефициар мулкдорларини идентификациялаш тартиби;

шубҳали операцияларни аниқлаш ҳамда шубҳали операциялар тўғрисидаги хабарларни тайёрлаш ва уларни махсус ваколатли давлат органига юбориш тартиби;

жиноий фаолиятдан олинган даромадларни легаллаштириш, терроризмни молиялаштириш ва (ёки) оммавий қирғин қуролини тарқатишни молиялаштириш мақсадида технологик ютуқлардан фойдаланилишининг олдини олишга қаратилган чоралар;

юқори мансабдор шахслар, уларнинг оила аъзолари ҳамда юқори мансабдор шахсларга яқин бўлган шахслар амалга ошираётган операцияларини чуқур мониторинг қилиш тартиби;

таваккалчиликнинг юқори даражаси тоифасига киритилган мижозларнинг ҳисобини юритиш ва мониторинг қилиш ҳамда бундай мижозлар операцияларини мониторинг қилиш тартиби;

қонунчилик ҳужжатларига зид бўлмаган бошқа қоидалар.

Ички қоидалар мазкур Қоидалар ва бошқа қонунчилик ҳужжатларининг талабларига мувофиқ бўлиши ҳамда аниқланган таваккалчиликлар ва уларнинг баҳосидан келиб чиқиб тузилиши керак. Ички қоидалар, уларга киритилган ўзгартириш ва қўшимчалар риэлторлик ташкилоти раҳбари томонидан тасдиқланади.".

4. Қуйидаги мазмундаги 4-3 ва 4-4-бандлар билан тўлдирилсин:

"4-3. Риэлторлик ташкилотларининг назорати остида ёки аҳамиятли таъсири доирасида битта ёки бир нечта пул маблағлари ёки бошқа мол-мулк билан боғлиқ операцияларни амалга оширувчи ташкилотлар бўлган тақдирда, ички қоидалар ушбу ташкилотлар томонидан гуруҳий ёндашув асосида ишлаб чиқилиши ва қуйидагиларни ўз ичига олиши керак:

жиноий фаолиятдан олинган даромадларни легаллаштириш, терроризмни молиялаштириш ва (ёки) оммавий қирғин қуролини тарқатишни молиялаштириш билан боғлиқ таваккалчиликларни бошқариш ва мижозларни лозим даражада текшириш учун зарур бўлган маълумотларни алмашиш қоидалари ва тартиб-таомиллари;

комплаенс назоратни, аудитни ва (ёки) жиноий фаолиятдан олинган даромадларни легаллаштиришга, терроризмни молиялаштиришга ва (ёки) оммавий қирғин қуролини тарқатишни молиялаштиришга қарши курашиш функцияларини гуруҳ даражасида таъминлаш, жиноий фаолиятдан олинган даромадларни легаллаштириш, терроризмни молиялаштириш ва (ёки) оммавий қирғин қуролини тарқатишни молиялаштиришга қарши курашиш мақсадлари учун зарур бўлган ҳолларда филиаллардан ва шуъба корхоналардан уларнинг мижозлари, молиявий ҳужжатлар тўғрисидаги маълумотларнинг олинишини таъминлаш;

махфийлик ва маълумотлардан фойдаланишни етарли даражада ҳимоя қилиш.

4-4. Қуйидаги шахслар риэлторлик ташкилотининг раҳбари, таъсисчиси, бенефициар мулкдори бўлиши мумкин эмас:

жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролларини тарқатишни молиялаштиришга қарши курашиш соҳасидаги халқаро ҳамкорликда иштирок этмаётган давлатларда доимий яшовчи, вақтинча турган ёки рўйхатдан ўтган шахслар;

иқтисодий жиноятлар, шунингдек, жиноий фаолиятдан олинган даромадларни легаллаштириш, терроризмни молиялаштириш ва оммавий қирғин қуролларини тарқатишни молиялаштириш, уюшган жиноятчилик, коррупция ва бошқарув тартибига қарши жиноятлар содир этганлик учун судланганлик ҳолати тугалланмаган ёки судланганлиги олиб ташланмаган шахслар.".

5. 6-банднинг биринчи хатбошиси қуйидаги таҳрирда баён этилсин:

"6. Риэлторлик ташкилотлари ҳар йили 10 январга қадар почта алоқаси воситалари ёки электрон шаклда мазкур Қоидаларнинг 1-иловасига мувофиқ Ўзбекистон Республикаси Давлат активларини бошқариш агентлигига (бундан буён матнда Агентлик деб юритилади) тайинланган масъул шахс ҳақида ва ушбу Қоидалар талабларига риоя этилиши тўғрисида маълумотларни тақдим этишлари шарт.".

6. Қуйидаги мазмундаги 11-1-банд билан тўлдирилсин:

"11-1. Риэлторлик ташкилотлари мижозларга кўчмас мулкни сотиш ва (ёки) сотиб олиш билан боғлиқ тўловларни банк карталари ва (ёки) электрон тўлов тизимларидан фойдаланган ҳолда нақдсиз шаклда амалга ошириш мақсадга мувофиқлиги тўғрисида ахборот беради, шунингдек, бошқа ҳисоб-китоб шаклларидан фойдаланиш билан боғлиқ хавфлар ҳақида огоҳлантиради.".

7. 14-3-банд қуйидаги мазмундаги бешинчи хатбоши билан тўлдирилсин:

"Риэлторлик ташкилоти мижоз билан иш муносабатларига киришиш тўғрисидаги қарорни ўз таваккалчиликларидан келиб чиқиб, мустақил равишда қабул қилади ҳамда фойдаланувчини лозим даражада текшириш бўйича чора-тадбирларни амалга оширишга ҳақли.".

8. 17-1-банддаги "иловасида" деган сўз "2-иловасида" деган сўзлар билан алмаштирилсин.

9. Қуйидаги мазмундаги 20-5 ва 20-6-бандлар билан тўлдирилсин:

"20-5. Чет эл риэлторлик ташкилотларининг алоҳида бўлинмалари (агар мавжуд бўлганда) жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш борасидаги чора-тадбирларни амалга оширишда улар жойлашган мамлакат талабларига риоя қилишлари лозим, мазкур талаблар Ўзбекистон Республикаси қонунчилик ҳужжатлари талабларидан фарқ қилган тақдирда, жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш соҳасидаги халқаро стандартларни қўллаши лозим.

Риэлторлик ташкилотлари ўзларининг хориждаги алоҳида бўлинмаларидан мазкур ажратилган бўлинмалар жойлашган мамлакат қонунчилик ҳужжатларидаги тақиқлар туфайли жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш бўйича тегишли тадбирларни амалга ошириш мумкин бўлмаган ҳолатлар тўғрисида Агентликка ва махсус ваколатли давлат органига хабар бериши шарт.

Риэлторлик ташкилотлари ўзларининг чет элдаги алоҳида бўлинмалари агарда улар жойлашган мамлакатнинг қонунчилик ҳужжатларида риэлторлик ташкилотининг ички қоидаларига нисбатан енгилроқ ички назорат чоралари белгиланган бўлса, улар жиноий фаолиятдан олинган даромадларни легаллаштиришга, терроризмни молиялаштиришга ва оммавий қирғин қуролини тарқатишни молиялаштиришга қарши курашиш борасидаги чора-тадбирларни амалга оширишда риэлторлик ташкилотининг ички қоидаларига риоя қилишлари керак.

20-6. Агентлик йилига камида бир марта, шунингдек, жиноий фаолиятдан олинган даромадларни легаллаштиришга, терроризмни молиялаштиришга ёки оммавий қирғин қуролини тарқатишни молиялаштиришга қарши курашиш соҳасидаги қонунчилик ўзгарган тақдирда, риэлторлик ташкилотлари фаолиятида юзага келиши мумкин бўлган таваккалчилик даражасини ўрганади.".

10. 21-банд қуйидаги мазмундаги ўн тўққизинчи - йигирманчи хатбошилар билан тўлдирилсин:

"Ички қоидалар билан шубҳали операцияларни қўшимча мезонлари белгиланиши мумкин.

Риэлторлик ташкилотлари махсус ваколатли давлат органи билан келишилган ҳолда Агентлик томонидан ишлаб чиқиладиган ва тавсиявий характерга эга бўлган услубий қўлланмалар асосида шубҳали операцияларни дастлабки аниқлаш индикаторлари тизимини йўлга қўйишлари мумкин.".

11. Қуйидаги мазмундаги 29-3-банд билан тўлдирилсин:

"29-3. Мижозларни лозим даражада текшириш натижасида олинган маълумотлар аҳамияти ва таваккалчиликлардан келиб чиққан ҳолда ҳамда мижоз маълумотларида ўзгаришлар бўлганда, бироқ мижоз томонидан жиноий фаолиятдан олинган даромадларни легаллаштириш, терроризмни молиялаштиришни ва оммавий қирғин қуролини тарқатишни молиялаштиришни амалга ошириш таваккалчилиги риэлторлик ташкилотлар томонидан юқори баҳоланганда йилига камида бир маротаба, бошқа ҳолларда икки йилда камида бир маротаба янгиланиши лозим.".

12. Илова мазкур ўзгартириш ва қўшимчаларнинг 1-иловасига мувофиқ таҳрирда баён этилсин.

13. Мазкур ўзгартириш ва қўшимчаларнинг 2-иловасига мувофиқ таҳрирдаги 2-илова билан тўлдирилсин.

Ўзгартиш ва қўшимчаларга

1-ИЛОВА

"Риэлторлик ташкилотлари учун жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини

тарқатишни молиялаштиришга қарши курашиш

бўйича ички назорат қоидаларига

1-ИЛОВА

Риэлторлик ташкилоти масъул ходими ва ички

қоидаларнинг амалга оширилиши тўғрисидаги

МАЪЛУМОТЛАР

".

Ўзгартиш ва қўшимчаларга

2-ИЛОВА

"Риэлторлик ташкилотлари учун жиноий фаолиятдан

олинган даромадларни легаллаштиришга, терроризмни

молиялаштиришга ва оммавий қирғин қуролини

тарқатишни молиялаштиришга қарши курашиш

бўйича ички назорат қоидаларига

2-ИЛОВА

Мижоз ва унинг бенефициар мулкдорини

идентификациялашда зарур бўлган

МАЪЛУМОТЛАР

".

Қонун ҳужжатлари маълумотлари миллий базаси (www.lex.uz),

2026 йил 19 май