2026-2030 йиллар учун Ўзбекистон Республикасида атроф табиий муҳитнинг давлат мониторинги Дастури (ЎзР ВМ 25.05.2026 й. 275-сон қарорига 1-илова)

Т/р

Асосий тадбирлар

Амалга ошириш механизми

Молиялаштириш

манбалари

Бажариш

муддатлари

Ижрочилар

I. АТМОСФЕРА ҲАВОСИНИ ИФЛОСЛАНТИРУВЧИ

МАНБАЛАР МОНИТОРИНГИ

1.

Атроф-муҳитга салбий таъсир кўрсатадиган, атмосфера ҳавосини ифлослантирувчи асосий манба ҳисобланган турғун ифлослантириш манбаларида мониторинг юритиш.

1. Ташлама манбаларида жойига чиқиб намуналар олиш ва ўлчовлар ўтказишни ташкил қилиш.

2. Чанг-газ тозалаш ускуналарининг самарадорлигини ўрганиш.

3. Мониторинг натижаларини таҳлил қилиш ва баҳолаш.

4. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

5. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига киритиш ва табиатни муҳофаза қилиш тадбирлари бўйича тавсиялар ишлаб чиқиш.

6. Салбий жараёнлар ривожланишининг олдини олиш бўйича тадбирларни амалга ошириш.

7. Ҳисоботлар тайёрлаш.

Ижрочининг ўз маблағлари ҳисобидан

Ҳар ойда

Экология ва иқлим ўзгариши миллий қўмитаси (кейинги ўринларда - Экология қўмитаси)

2.

Атмосфера ҳавосига устувор турғун (ташкиллаштирилган) ифлослантирувчи манбалардан чиқадиган ташланмаларни таҳлил қилувчи автоматик мониторинг станцияларини ҳамда чанг-газ тозалаш ускуналарини ўрнатиш ва санитар ҳимоя зоналарини автомат стационар кузатув постлари билан жиҳозлаш.

1. Автоматик мониторинг станцияларини ва автомат стационар кузатув постларни ўрнатиш дастурини ишлаб чиқиш ва бажариш.

2. Юқори самарадорликка эга чанг-газ тозалаш ускуналарини ўрнатиш ҳамда мавжудларини модернизация қилиш ишларининг амалда бажарилишини мониторинг қилиб бориш.

3. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига реал вақт режимида тўғридан-тўғри узатиш ва зарур бўлган табиатни муҳофаза қилиш тадбирларини амалга ошириш.

4. Мониторинг натижалари бўйича таҳлилий материаллар тайёрлаш ва Экология қўмитасига таклифлар киритиш.

Хўжалик юритувчи субъектларнинг ўз маблағлари ҳисобидан

Дастурга мувофиқ

Атроф-муҳитга таъсири бўйича I-II тоифага кирувчи хўжалик юритувчи субъектлар

II. СУВ РЕСУРСЛАРИНИ ИФЛОСЛАНТИРУВЧИ

МАНБАЛАР МОНИТОРИНГИ

3.

Республика шаҳарлари ва бошқа аҳоли пунктларидаги оқова сув тозалаш иншоотларининг самарали ишлашини ҳамда улар томонидан атроф-муҳитга чиқариб юборилаётган оқова сувларнинг ҳолати ва сифати мониторингини юритиш.

1. Жойларда коммунал оқова тозалаш иншоотларининг сувидан намуналар олиш, дала тадқиқотларини ўтказиш ва оқова сув тозалаш иншоотлари ҳолатини ўрганиш.

2. Сув намуналарни лаборатория шароитида таҳлил қилиш ва маълумотларни камерал ишлаш.

3. Маълумотларни баҳолаш ва тегишли тадбирларни белгилаш ҳамда амалга ошириш учун тегишли кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

4. Салбий жараёнлар ривожланишининг олдини олиш бўйича тадбирларни амалга ошириш.

5. Натижаларни атроф табиий муҳит мониторинги тизимининг Ягона геоахборот маълумотлар базасига киритиш.

Ижрочиларнинг ўз маблағлари ҳисобидан

Ҳар чоракда

Экология қўмитаси, Қурилиш ва уй-жой коммунал хўжалиги вазирлиги, "Ўзсувтаъминот" АЖ

4.

Мазкур Дастурга 1-иловадаги рўйхатга мувофиқ оқова сувларни қабул қилувчи сув ҳавзалари сувининг сифат мониторингини юритиш.

1. Сувдан намуналар олиш, дала тадқиқотларини ўтказиш.

2. Олинган намуналарни лаборатория шароитида таҳлил қилиш ва маълумотларни камерал ишлаш.

3. Олинган маълумотларни баҳолаш ва тегишли тадбирларни ишлаб чиқиш ҳамда амалга ошириш учун натижаларни манфаатдор вазирлик ва идораларга, хўжалик юритувчи субъектларга тақдим этиш.

4. Салбий жараёнлар ривожланишининг олдини олиш бўйича тадбирларни амалга ошириш.

5. Натижаларни атроф табиий муҳит мониторинги тизимининг Ягона геоахборот маълумотлар базасига киритиш.

Ижрочиларнинг ўз маблағлари

ҳисобидан

Ҳар чоракда

Экология қўмитаси, Сув хўжалиги вазирлиги

5.

Саноат корхоналарида локал оқова сув тозалаш иншоотларининг самарали ишлашини ҳамда улардан ташланаётган оқова сувлар мониторингини юритиш.

1. Жойларда саноат корхоналарнинг локал оқова сув тозалаш иншоотлари сувидан намуналар олиш, тозалаш иншоотлари ҳолатини ўрганиш.

2. Сув намуналарини лаборатория шароитида таҳлил қилиш ва олинган маълумотларни баҳолаш.

3. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

4. Салбий жараёнлар ривожланишининг олдини олиш бўйича тадбирларни амалга ошириш.

5. Ҳисоботлар тайёрлаш.

Ижрочиларнинг ўз маблағлари

ҳисобидан

Ҳар чоракда

Экология қўмитаси, Қурилиш ва уй-жой коммунал хўжалиги вазирлиги, "Ўзсувтаъминот" АЖ

6.

Сув ресурсларининг ифлосланишини камайтириш чораларини кўриш.

1. Юқори самарадорликка эга локал сув тозалаш иншоотларини ўрнатиш ҳамда мавжудларини модернизация қилиш.

Хўжалик юритувчи субъектларнинг ўз маблағлари ҳисобидан

2026 йил

1 июль

Сув ресурсларига таъсир кўрсатувчи хўжалик юритувчи субъектлар

2.Амалга оширилган ишлар ҳақидаги ахборотни Экология қўмитасига киритиш.

Доимий

III. ТУПРОҚЛАРНИ ИФЛОСЛАНТИРУВЧИ

МАНБАЛАР МОНИТОРИНГИ

7.

Тупроқни ифлослантириш манбалари жойлашган ҳудудларда мониторинг ўтказиш.

1. Тупроқни ифлослантириш манбалари жойлашган ҳудудларда мониторинг ўтказиш бўйича тайёргарлик кўриш.

2. Тупроқдан намуна олишни ташкил қилиш ва далада зарур ўлчовларни ўтказиш.

3. Тадқиқот натижаларини умумлаштириш ва тупроқнинг ифлосланиш даражасини баҳолаш.

4. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига киритиш.

5. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

6. Салбий жараёнлар ривожланишининг олдини олиш бўйича тадбирларни амалга ошириш.

7. Ҳисоботлар тайёрлаш.

Ижрочининг ўз маблағлари ҳисобидан

Ҳар ярим

йилда

Экология қўмитаси

8.

Мазкур Дастурга 2-иловадаги рўйхатга мувофиқ қуйқа тўплагичлар жойлашган ҳудудларда тупроқни ифлослантирувчи манбалар мониторингини юритиш.

1. Тупроқни ифлослантирувчи манбалари жойлашган ҳудудларда мониторинг ўтказиш режасини тайёрлаш.

2. Тупроқдан намуна олишни ташкил қилиш ва далада зарур ўлчовлар ўтказиш.

3. Тадқиқот натижаларини умумлаштириш ва тупроқнинг ифлосланиш даражасини баҳолаш.

4. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига киритиш.

5. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

6. Салбий жараёнлар ривожланишининг олдини олиш бўйича тадбирларни амалга ошириш.

7. Ҳисоботлар тайёрлаш.

Ижрочининг ўз маблағлари ҳамда тегишли хўжалик юритувчи субъектларнинг маблағлари ҳисобидан

Ҳар ярим

йилда

Экология қўмитаси, хўжалик юритувчи субъектлар

9.

Мазкур Дастурга 3-иловадаги рўйхатга мувофиқ хомашё чиқиндихоналари жойлашган ҳудудларда тупроқни ифлослантирувчи манбалар мониторингини юритиш.

1. Тупроқни ифлослантирувчи манбалари жойлашган ҳудудларда мониторинг ўтказиш режасини тайёрлаш.

2. Жойига бориб тупроқдан намуна олишни ташкил қилиш ва далада зарур ўлчовлар ўтказиш.

3. Тадқиқот натижаларини умумлаштириш ва тупроқнинг ифлосланиш даражасини баҳолаш.

4. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига киритиш.

5. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

6. Салбий жараёнлар ривожланишининг олдини олиш бўйича тадбирларни амалга ошириш.

7. Ҳисоботлар тайёрлаш.

Ижрочининг ўз маблағлари ҳамда тегишли хўжалик юритувчи субъектларнинг маблағлари ҳисобидан

Ҳар ярим

йилда

Экология қўмитаси, хўжалик юритувчи субъектлар

10.

Мазкур Дастурга 4-иловадаги рўйхатга мувофиқ саноат чиқиндилари жойлашган ҳудудларда тупроқни ифлослантирувчи манбалар мониторингини юритиш.

1. Тупроқни ифлослантирувчи манбалари жойлашган ҳудудларда мониторинг ўтказиш режасини тайёрлаш.

2. Жойига бориб тупроқдан намуна олишни ташкил қилиш ва далада зарур ўлчовлар ўтказиш.

3. Тадқиқот натижаларини умумлаштириш ва тупроқнинг ифлосланиш даражасини баҳолаш.

4. Мониторинг натижаларини атроф табиий муҳит мониторинги тизимининг Ягона геоахборот маълумотлар базасига киритиш.

5. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

6. Салбий жараёнлар ривожланишининг олдини олиш бўйича тадбирларни амалга ошириш.

7. Ҳисоботлар тайёрлаш.

Ижрочининг ўз маблағлари ҳамда тегишли хўжалик юритувчи субъектларнинг маблағлари ҳисобидан

Ҳар ярим

йилда

Экология қўмитаси, хўжалик юритувчи субъектлар

11.

Мазкур Дастурга 5-иловадаги рўйхатга мувофиқ заҳарли моддалар кўмиладиган полигонларда тупроқни ифлослантирувчи манбалар мониторингини юритиш.

1. Заҳарли кимёвий моддалар кўмиладиган полигонларда ва уларга туташ ҳудудларда тупроқнинг ифлосланиши мониторингини ўтказиш режасини тайёрлаш.

2. Дала тадқиқотларини ўтказиш ва тупроқлардан намуналар олиш.

3. Лаборатория таҳлилларини ўтказиш.

4. Тадқиқот натижаларини қайта ишлаш ва тупроқнинг ифлосланиш даражасини баҳолаш.

5. Натижаларни атроф табиий муҳит мониторинги тизимининг Ягона геоахборот маълумотлар базасига киритиш.

6. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

7. Салбий жараёнлар ривожланишининг олдини олиш бўйича тадбирларни амалга ошириш.

8. Ҳисоботлар тайёрлаш.

Ижрочининг ўз маблағлари ҳамда халқаро грантлар ҳисобидан

Ҳар чоракда

Экология қўмитаси

12.

Мазкур Дастурга 6-иловадаги рўйхатга мувофиқ қаттиқ маиший чиқиндилар тўпланадиган ҳудудларда тупроқни ифлослантирувчи манбалар мониторингини юритиш.

1. Қаттиқ маиший чиқиндилар полигонлари бўйича дастлабки маълумотларни йиғиш ва мониторингини ўтказиш режасини тайёрлаш.

2. Дала тадқиқотларини ташкил этиш ва тупроқлардан намуналар олиш.

3. Кузатувлар натижаларини қайта ишлаш ва олинган намуналарни таҳлил қилиш.

4. Полигонлар яқинидаги ерларнинг ифлосланиш даражасини баҳолаш.

5. Натижаларни атроф табиий муҳит мониторинги тизимининг Ягона геоахборот маълумотлар базасига киритиш.

6. Таҳлил маълумотларига асосан тегишли тадбирларни белгилаш ҳамда амалга ошириш учун кўрсатмаларни мутасадди вазирлик, идораларга ва хўжалик юритувчи субъектларга тақдим этиш.

7. Салбий жараёнлар ривожланишининг олдини олиш бўйича тадбирларни амалга ошириш.

8. Ҳисоботлар тайёрлаш.

Ижрочининг ўз маблағлари ҳамда тегишли хўжалик юритувчи субъектларнинг маблағлари ҳисобидан

Ҳар ярим

йилда

Экология қўмитаси, хўжалик юритувчи субъектлар

IV. АТМОСФЕРА ҲАВОСИ ИФЛОСЛАНИШИ МОНИТОРИНГИ

13.

Республикадаги 26 та шаҳар ва бошқа аҳоли пунктларида жойлашган 66 та турғун постларда атмосфера ҳавоси сифати бўйича кузатувлар олиб бориш.

1. Атмосфера ҳавосидан намуналар олиш ва зарур бўлган ўлчовлар ўтказиш.

2. Атмосфера ҳавоси намуналарини таҳлил қилиш.

3. Олинган маълумотларни қайта ишлаш ва атмосфера ҳавоси ҳолатини баҳолаш ҳамда натижаларга кўра башорат қилиш.

4. Мониторинг натижаларини ҳамда салбий жараёнлар ривожланишининг олдини олиш бўйича тавсияларни ишлаб чиқиш ва мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар куни

Гидрометеорология хизмати агентлиги

14.

Атмосфера ҳавосини кузатиш пунктларида атмосфера ҳавоси майда дисперсли (РМ10 ва РМ2,5) заррачалар билан ифлосланиши мониторингини юритиш.

1. Атмосфера ҳавоси ҳолатини узлуксиз мониторинг қилиш.

2. Олинган маълумотларни қайта ишлаш ва атмосфера ҳавоси ҳолатини баҳолаш ҳамда натижаларга кўра башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни ишлаб чиқиш ва мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар куни

реал вақт режимида

Гидрометеорология хизмати агентлиги

15.

Республика ҳудудида жойлашган стационар кузатув пунктларида атмосфера юза қатламидаги гамма фон қийматларини ўлчаш ва мониторинг юритиш.

1. Радиациявий ифлосланишни аниқлаш бўйича ўлчовларни ўтказиш.

2. Олинган натижаларни таҳлил қилиш ва баҳолаш ҳамда ҳолатни башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни ишлаб чиқиш ва мунтазам равишда мутасадди вазирлик ва идораларга киритиб бориш.

Ижрочининг

ўз маблағлари ҳисобидан

Дастурга мувофиқ

Гидрометеорология хизмати агентлиги

16.

Атмосфера ҳавосининг санитария-гигиеник мониторингини юритиш.

1. Аҳоли пунктларининг селитеб ҳудудида атмосфера ҳавосининг санитария-гигиеник мониторингини юритиш.

2. Мониторинг натижаларини таҳлил қилиш ва баҳолаш ҳамда ҳолатни башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Дастурга мувофиқ

Санитария-эпидемиологик осойишталик ва жамоат саломатлиги қўмитаси

17.

Угом-Чотқол давлат биосфера резерватининг "Бошқизилсой" қўриқхонаси участкасининг Бошқизилсой дарёси ҳавзасидаги турғун кузатиш пунктида ифлослантирувчи моддаларнинг мавжудлик даражаси бўйича атмосфера ҳавосининг фон мониторингини ўтказиш.

1. Бошқизилсой дарёси ҳавзасидаги станцияда атмосфера ҳавосининг фон мониторингини ўтказиш бўйича дастур ишлаб чиқиш ва тасдиқлаш.

2. Фон мониторингини ўтказиш учун атмосфера ҳавосидан намуналар олиш ва зарур ўлчовлар ўтказиш.

3. Атмосфера ҳавоси намуналарини таҳлил қилиш.

4. Мониторинг натижаларини таҳлил қилиш ва баҳолаш ҳамда ҳолатни башорат қилиш.

5. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Дастурга мувофиқ

Гидрометеорология хизмати агентлиги

18.

Туманларда (шаҳарларда) атмосфера ҳавоси ифлосланиши фон мониторингини юритиш учун автоматлашган кичик станциялар ўрнатиш.

1. Техник талаблар ҳамда ҳудудларга жойлаштириш хариталарини ишлаб чиқиш.

2. Харид қилинган кичик станцияларни Экология қўмитаси томонидан тасдиқланган хариталар асосида ўрнатиш.

Ижрочининг ўз маблағлари ҳисобидан

2026-2027

йиллар давомида

Гидрометеорология хизмати агентлиги

19.

Тошкент вилоятида атмосфера ҳавосининг фон мониторингини юритиш мақсадида 5 дона автоматик станцияларни ўрнатиш.

1. Техник талаблар ҳамда ҳудудларга жойлаштириш хариталарини ишлаб чиқиш.

2. Харид қилинган автоматик станцияларни Экология қўмитаси томонидан тасдиқланган хариталар асосида ўрнатиш.

Халқаро грантлар

2026 йил

давомида

Гидрометеорология хизмати агентлиги

V. СУВ РЕСУРСЛАРИНИНГ ИФЛОСЛАНИШ МОНИТОРИНГИ

20.

Ўзгидромет кузатув пунктларида ерусти сувларининг гидрокимёвий кўрсаткичлари мониторингини юритиш.

1. Сув намуналарини олишни ташкил этиш ва амалга ошириш.

2. Мониторинг натижаларини таҳлил қилиш ва баҳолаш ҳамда ҳолатни башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар ойда

ёки асосий гидрологик фазаларда

Гидрометеорология хизмати агентлиги

21.

Тошкент вилоятининг 27 та кузатув нуқтасини ўз ичига олувчи 10 та сув объектларида гидробиологик кўрсаткичлар мониторингини юритиш.

1. Сув ҳавзаларининг гидробиологик ҳолатини ўрганиш ва гидробионтлардан намуна олиш.

2. Мониторинг натижаларини таҳлил қилиш ва баҳолаш ҳамда ҳолатни башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар йили

март-ноябрь ойларида

Гидрометеорология хизмати агентлиги

22.

Мазкур Дастурга 7-иловадаги рўйхатга мувофиқ кўллар тизими ва сув омборларидаги сувларнинг гидрокимёвий кўрсаткичлари мониторингини юритиш.

1. Кўллар тизими ва сув омборларидаги сувларнинг гидрокимёвий кўрсаткичлари мониторингини юритиш учун экспедиция тадқиқотлари режаси ва кузатувларини ўтказиш дастурини тайёрлаш.

2. Дала ишларини ташкил этиш ҳамда кўлларнинг сифат ҳолати намуналарини олган ҳолда кузатувлар ўтказиш.

3. Кимёвий-физикавий таҳлиллар ва уларни камерал таҳлил қилиш.

4. Мониторинг натижаларини таҳлил қилиш ва баҳолаш ҳамда ҳолатни башорат қилиш.

5. Ҳисоботларни тайёрлаш ҳамда салбий жараёнлар ривожланишининг олдини олиш бўйича тадбирларни амалга ошириш.

6. Натижаларни атроф табиий муҳит мониторинг тизимининг Ягона геоахборот маълумотлар базасига киритиш.

7. Ҳисоботларни тайёрлаш.

Ижрочиларнинг ўз маблағлари ҳисобидан

Ҳар чоракда

Экология қўмитаси, Сув хўжалиги вазирлиги

23.

Коллектор-дренаж тармоқлари сувлари сифатининг мониторингини юритиш.

1. Дала тадқиқотларини ташкил этиш ва коллектор-дренаж тармоқлари сувидан намуналар олиш.

2. Мониторинг натижаларини таҳлил қилиш ва баҳолаш ҳамда ҳолатни башорат қилиш.

3. Сизот сувлари сатҳи ва шўрланиш даражасини онлайн режимда бошқариш бўйича босқичма-босқич "Diver" қурилмалари билан жиҳозлаш ва геоахборот технологияларини жорий этган ҳолда мелиоратив кадастрни ишлаб чиқиш.

4. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Дастурга мувофиқ

Сув хўжалиги вазирлиги

24.

Ичимлик суви ҳавзаларидаги сув сифатини ўрганиш ҳамда уларни ифлослантирувчи манбаларни аниқлаш.

1. Аниқланган ифлослантирувчи манбалар асосида мониторинг ўтказиш пунктларини танлаш.

2. Сув объектлари мониторинги бўйича йиллик режани тузиш ва тасдиқлаш.

3. Ичимлик суви ҳавзаларидаги сув сифатини ўрганиш, мониторинг натижаларини таҳлил қилиш ва баҳолаш ҳамда ҳолатни башорат қилиш.

4. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар чоракда

Санитария-эпидемиологик осойишталик ва жамоат саломатлиги қўмитаси

25.

Угом-Чотқол давлат биосфера резерватининг ерусти сувлари объектларида фон мониторингини юритиш.

1. Ерусти сувлари объектларида фон мониторингини юритиш дастурини ишлаб чиқиш ва тасдиқлаш.

2. Ерусти сув объектларида фон мониторингини юритиш учун сувдан намуналар олиш ва зарур ўлчовларни ташкил этиш.

3. Сувдан олинган намуналарни таҳлил қилиш.

4. Мониторинг натижаларини таҳлил қилиш ва баҳолаш ҳамда ҳолатни башорат қилиш.

5. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

Ҳар йили гидрологик босқичларга мувофиқ

Гидрометеорология хизмати агентлиги

26.

956 та сув объектларидаги 1 380 та назорат пунктларида сувнинг микробиологик ва санитария-кимёвий кўрсаткичлари бўйича кузатувлар ўтказиш.

1. Кимёвий ва микробиологик кўрсаткичлар бўйича асосий ифлослантирувчиларни аниқлаш ва очиқ сув ҳавзалари ҳолатини ўрганиш ҳамда таҳлил қилиш.

2. Мониторинг натижаларини таҳлил қилиш, баҳолаш, ҳолатни башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочининг ўз маблағлари ҳисобидан

2026-2030

йиллар давомида

Санитария-эпидемиологик осойишталик ва жамоат саломатлиги қўмитаси

27.

Уран конлари чиқиндилари жойлашган Чотқол-Қурама ҳудудидаги ва Зарафшон дарёси водийсида радиоактив ҳамда заҳарли элементлар билан ифлосланиш ўчоқларини аниқлаш ва уларнинг мониторингини юритиш.

1. Чотқол-Қурама ҳудудидаги ва Зарафшон дарёси водийсидаги уран конлари чиқиндилари жойлашган ҳудудларда ҳар чоракда радионуклидлар ва токсик металлар миқдорини мониторинг қилиш.

2. Таҳлил натижаларига кўра ҳолатни баҳолаш ва башорат қилиш.

3. Мониторинг натижаларини ҳамда салбий жараёнлар ривожланишининг олдини олиш бўйича тавсияларни ҳар чорак якуни билан Вазирлар Маҳкамаси ва Экология қўмитасига киритиб бориш.

Ижрочиларнинг ўз маблағлари ҳисобидан

Ҳар чоракда

Тоғ-кон саноати ва геология вазирлиги, Санитария-эпидемиологик осойишталик ва жамоат саломатлиги қўмитаси

28.

Республика ҳудудида жойлашган ерости сувларининг гидродинамик ва гидрокимёвий ҳолати мониторингини юритиш.

1. Ерости сувларининг гидродинамик ва гидрокимёвий ўзгариши, ерости сув ресурслари, захиралари, сув истеъмолчилари, сув олиш иншоотлари ҳисоби ва кадастрини ўз ичига олган ерости сувлари давлат мониторингини юритиш.

2. Мониторинг натижаларини умумлаштириш, таҳлил қилиш, ҳолатни баҳолаш ва башорат қилиш, аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари ҳамда мутасадди вазирлик ва идораларга тақдим этиш.

Ижрочиларнинг ўз маблағлари ҳисобидан

Ҳар йиллик минерал-хомашё базасини ривожлан-тириш ва қайта тўлдириш давлат дастурига мувофиқ

Тоғ-кон саноати ва геология вазирлиги, "Ўзбекгидрогеология" давлат муассасаси

29.

Норуда материалларни қазиб олишга муддатсиз мораторий жорий этилган Чирчиқ, Сирдарё, Сангзор, Зарафшон, Норин, Қашқадарё ва Сурхондарё дарёлари ҳавзаларида ўзанларни тозалаш ишлари ўтказилишида дарё ва сойлар сув оқимларининг ҳолати мониторингини юритиш.

1. Очиқ сув ҳавзалари ўзанини тозалаш ишлари амалга оширилиши белгиланган участкаларни хатловдан ўтказиш.

2. Очиқ сув ҳавзалари ўзанини тозалаш ишлари амалга оширилиши белгиланган участкаларда дала тадқиқотлари ўтказиш бўйича ҳамкорликда режа-жадвални ишлаб чиқиш ва тасдиқлаш.

3.Ўзанларни тозалаш ишлари амалга оширилиши белгиланган участкаларда тегишли ўлчов ва дала тадқиқотларини ташкил қилиш.

4.Очиқ сув ҳавзалари ўзанларининг ҳолатини яхшилаш учун аниқ чора-тадбирларни амалга ошириш бўйича тавсиялар ишлаб чиқиш.

Ижрочиларнингўз маблағлари ҳисобидан

Режа-жадвалга мувофиқ

Сув хўжалиги вазирлиги, Фавқулодда вазиятлар вазирлиги, Экология қўмитаси, Тоғ-кон саноати ва геология вазирлиги

VI. ҚОР ҚОПЛАМЛАРИ МОНИТОРИНГИ

30.

Республиканинг баланд тоғ ҳудудларида қор қопламлари мониторингини юритиш.

1. 2026-2028 йилларда республиканинг тоғолди ва тоғли ҳудудларида жойлашган 124 та қор ўлчаш нуқталарини замонавий ускуналар билан жиҳозлаш дастурини ишлаб чиқиш.

2. 124 та қор ўлчаш нуқталарини замонавий қор ўлчов ускуналари билан жиҳозлаш.

3. Мазкур ҳудудларда қор қоплами, қалинлиги, зичлиги, эриш жараёнларини таҳлил қилиш орқали тоғолди ва тоғли ҳудудларда сув тошқинлари юз бериш эҳтимоли мавжудлигини башорат қилиш.

4. Олинаётган маълумотларни Гидрометеорология хизмати агентлигининг ягона геоахборот маълумотлар базасига интеграция қилиш, визуаллаштириш, расмий веб-сайтларда реал вақт режимида мунтазам янгилаб бориш ҳамда давлат органлари ва кенг жамоатчиликка етказиш.

5. Салбий жараёнлар ривожланишининг олдини олиш бўйича тавсияларни мунтазам равишда манфаатдор вазирлик ва идораларга киритиб бориш.

Ижрочининг ўз маблағлари ҳисобидан

2026 - 2028 йиллар давомида

Гидрометеорология хизмати агентлиги

VII. ЕРЛАРНИНГ ИФЛОСЛАНИШИ МОНИТОРИНГИ

31.

Назорат остидаги қишлоқ хўжалиги ерлари заҳарли кимёвий моддалар билан ифлосланишини мониторинг қилиш.

1. Танланган ҳудудларда тупроқ намуналарини йиғиш ва таҳлил қилиш.

2. Олинган маълумотларни қайта ишлаш ва қишлоқ хўжалиги тупроқларининг ифлосланиш даражасини баҳолаш.

3. Мониторинг натижаларини умумлаштириш, таҳлил қилиш, ҳолатни баҳолаш ва башорат қилиш, аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари ҳамда мутасадди вазирлик ва идораларга тақдим этиш.

Ижрочининг ўз маблағлари ҳисобидан

Ҳар ярим йилда бир марта

Гидрометеорология хизмати агентлиги

32.

Қишлоқ хўжалигига мўлжалланган ерлардан оқилона фойдаланиш ва муҳофаза қилиш.

1. Қишлоқ хўжалигига мўлжалланган ерларни маиший ва ишлаб чиқариш чиқиндилари билан ифлосланишининг олдини олиш.

2. Доимий кузатув мониторинг тадбирларини ўтказиш.

3. Унумдор ерларнинг қишлоқ хўжалиги айланмасидан (фойдаланишдан) чиқиб кетишининг олдини олиш.

Ижрочининг ўз маблағлари ҳисобидан

2026-2030

йиллар давомида

Қишлоқ хўжалиги вазирлиги, Чорвачилик ва яйлов хўжалигини ривожлантириш агентлиги, Қорақалпоғистон Республикаси Вазирлар Кенгаши, вилоятлар ва Тошкент шаҳри ҳокимликлари

33.

Мавжуд чиқиндиларни сақлаш майдонларида белгиланган ҳудуддан ташқарига жойлаштириш ҳолатларини, янги пайдо бўлган ноқонуний чиқинди зоналарини аниқлаш.

1. Республика кесимида мавжуд чиқиндиларни сақлаш майдонларида белгиланган ҳудуддан ташқарига жойлаштириш ҳолатларини, янги пайдо бўлган ноқонуний чиқинди зоналарини аниқлаш мақсадида давлат космик мониторингини юритиш бўйича техник ҳужжатларни ишлаб чиқиш.

Ижрочининг ўз маблағлари ҳисобидан

Ҳар йили феврал ойида

Космик тадқиқотлар ва технологиялар агентлиги, Экология қўмитаси

2. Давлат космик мониторингини юритиш.

Ҳар йили июнь, сентябрь, декабрь ойларида

3. Давлат космик мониторинги натижасида аниқланган маълумотларни "Space Gov Monitoring" марказлашган ягона платформасига юклаб бориш.

Ҳар йили август, ноябрь, февраль ойларида

34.

Ўзбекистон Республикаси "Тупроқни муҳофаза қилиш ва унинг унумдорлигини ошириш тўғрисида"ги Қонуннинг 21-моддасига мувофиқ тупроқнинг сифатини баҳолаш (бонитировка), шўрланиш, эрозия хариталари, агрокимёвий ва экологик таҳлиллар ўтказиш ҳамда ушбу йўналишда тематик тупроқ хариталарини тузиш.

1. Танлаб олинган туманларда ишларни амалга ошириш учун техник топшириқлар ва иш режасини тузиш.

2. Шурфлар қазиб, тупроқ намуналарини олиш билан биргаликда дала тадқиқотларини ташкил этиш ва ўтказиш.

3. Кимёвий таҳлиллар ўтказиш.

4. Олинган маълумотларни таҳлил қилиш ҳамда умумлаштириш.

5. Тупроқ хариталарини тузиш, таҳлилий маълумотлар ва ҳисоботларни тайёрлаш ҳамда манфаатдор вазирлик ва идораларга тегишли чоралар кўриш учун тақдим этиш.

Ижрочининг ўз маблағлари ҳисобидан

2026-2030

йиллар давомида

Қишлоқ хўжалиги вазирлиги

35.

Бошоқли дон экинларидан бўшаган (ўримдан сўнг) ер майдонларида сомон поялари ва уларнинг қолдиқларини ёқиш ҳолатларини аниқлаш.

1. Республика кесимида бошоқли дон экинларидан бўшаган (ўримдан сўнг) ер майдонларида сомон поялари ва уларнинг қолдиқларини ёқиш ҳолатларини аниқлаш мақсадида давлат космик мониторингини юритиш бўйича техник ҳужжатларни ишлаб чиқиш.

Ижрочининг ўз маблағлари ҳисобидан

Ҳар йили феврал ойида

Космик тадқиқотлар ва технологиялар агентлиги, Экология қўмитаси, Қишлоқ хўжалиги вазирлиги

2. Давлат космик мониторингини юритиш.

Ҳар йили ноябрь ойида

3. Давлат космик мониторинги натижасида аниқланган маълумотларни "Space Gov Monitoring" марказлашган ягона платформасига юклаб бориш.

Ҳар йили декабрь ойида

36.

Саноат шаҳарлари атрофидаги тупроқларнинг заҳарли элементлар билан ифлосланишини назорат қилиш.

1. Қуйидаги танланган ҳудудларда тупроқ намуналарини йиғиш ва таҳлил қилиш:

Бухоро, Урганч ва Чирчиқ шаҳарларида;

Нукус ва Самарқанд шаҳарларида;

Қўқон, Навоий ва Тошкент шаҳарларида;

Андижон, Бекобод ва Наманган шаҳарларида;

Олмалиқ, Ангрен ва Фарғона шаҳарларида.

2. Мониторинг натижаларини умумлаштириш, таҳлил қилиш, ҳолатни баҳолаш ва башорат қилиш, аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари ҳамда мутасадди вазирлик ва идораларга тақдим этиш.

Ижрочининг ўз маблағлари ҳисобидан

Бир йилда

бир марта

режа-

графикка

асосан

Гидрометеорология хизмати агентлиги

37.

Чотқол давлат қўриқхонасидаги турғун кузатиш станциясида тупроқ ифлосланиши фон мониторингини юритиш.

1. Тупроқ намуналарини олиш ва таҳлил қилиш.

2. Ерларнинг ифлосланиш даражасини баҳолаш.

3. Мониторинг натижаларини умумлаштириш, таҳлил қилиш, ҳолатни баҳолаш ва башорат қилиш, аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари ҳамда мутасадди вазирлик ва идораларга тақдим этиш.

Ижрочининг ўз маблағлари ҳисобидан

Ҳар ярим йилда

Гидрометеорология хизмати агентлиги

38.

Чотқол-Қурама ҳудудидаги фойдаланилган уран конлари ва йирик аҳоли пунктлари ҳудудларида радиация ҳолати ва тупроқлар таркибидаги радиоактив ҳамда заҳарли элементлар билан ифлосланиш юзасидан мониторинг юритиш.

1. Фойдаланилган уран конлари ва йирик аҳоли пунктлари ҳудудларида радиация ҳолати ва тупроқлар таркибидаги радиоактив ҳамда заҳарли элементлар билан ифлосланиш юзасидан мониторинг юритиш бўйича лойиҳа-смета ҳужжатларини тайёрлаб, белгиланган тартибда тасдиқлаш.

2. Лойиҳага мувофиқ мониторинг ишларини ташкил этиш ва юритиш.

Ижрочининг ўз маблағлари ҳисобидан

Ҳар йилдаги минерал-

хомашё базасини ривожлан-тириш ва қайта тўлдириш давлат дастурига мувофиқ

Тоғ-кон саноати ва геология вазирлиги

3. Мониторинг натижаларига кўра тупроқнинг металл ва радионуклидлар билан ифлосланиш даражасини баҳолаш ҳамда ифлосланган майдонларни рекультивация қилиш тадбирларини ишлаб чиқиш.

2026-2030

йиллар давомида

4. Мониторинг натижаларини умумлаштириш, таҳлил қилиш, ҳолатни баҳолаш ва башорат қилиш, аниқланган салбий ҳолатларни бартараф этиш бўйича тавсиялар ишлаб чиқиш ва маҳаллий давлат ҳокимияти органлари ҳамда мутасадди вазирлик ва идораларга тақдим этиш.

Ҳар ярим йилда

VIII. ХАВФЛИ ЭКЗОГЕН ГЕОЛОГИК

ЖАРАЁНЛАР МОНИТОРИНГИ

39.

Республиканинг тоғ ва тоғолди минтақаларининг фаол геологик жараёнлар намоён бўладиган ҳудудларида хавфли экзоген геологик жараёнлар (кўчки, ёрилиш, ўпирилиш, ювилиш, силжиб тушиш, тош кўчишнинг ҳосил бўлиши) мониторингини юритиш.

1. Ўзбекистон Республикасининг тоғ ва тоғолди ҳудудларида хавфли экзоген геологик жараёнлар давлат мониторингини юритиш.

2. Хавфли экзоген геологик жараёнлар мониторинги натижалари юзасидан тезкор ва тизимли ахборотларни ҳамда салбий жараёнлар ривожланишининг олдини олиш бўйича тавсияларни мунтазам равишда мутасадди вазирлик ва идораларга киритиб бориш.

Ижрочиларнинг ўз маблағлари ҳисобидан

Ҳар йиллик

минерал-хомашё базасини ривожлан-тириш ва қайта тўлдириш давлат дастури билан белгиланган муддатларда, Ҳар ойда (зарурат бўлганда тезкор)

Тоғ-кон саноати ва геология вазирлиги "Ўзбекгидрогеология" давлат муассасаси

40.

Масофадан зондлаш усуллари ва технологияларини қўллаш орқали кўчки хавфини баҳолаш.

1. Кўчки хавфи мавжуд зоналарни аниқлаш мақсадида, ижтимоий аҳамиятга эга объектларга алоҳида эътибор қаратган ҳолда, масофавий зондлаш маълумотларидан фойдаланиб, ҳудудни ҳар томонлама таҳлил қилиш.

2. Ижтимоий аҳамиятга эга объектларнинг фаолиятига кўчкиларнинг таъсирини баҳолаш, заиф жойларни аниқлаш ҳамда кўчки хавфини камайтириш чораларини амалга ошириш учун устувор зоналарни белгилаш.

3. Баҳолаш натижалари ва мойиллик хариталарига асосланиб, ижтимоий аҳамиятга эга объектларни кўчкилардан ҳимоя қилиш бўйича чоралар кўриш.

Ижрочиларнинг ўз маблағлари ҳисобидан

2027-2030

йиллар давомида

Тоғ-кон саноати ва геология вазирлиги, Фавқулодда вазиятлар вазирлиги

IХ. ЎСИМЛИК ВА ҲАЙВОНОТ ДУНЁСИ

ОБЪЕКТЛАРИ МОНИТОРИНГИ

41.

Ўсимлик ва ҳайвонот дунёси объектлари мониторингини юритиш тартибини назарда тутувчи норматив-ҳуқуқий ҳужжат лойиҳасини ишлаб чиқиш.

1. Халқаро тажрибани ўрганиш ҳамда ҳужжат концепциясини тайёрлаш.

2. Қарор лойиҳасини ишлаб чиқиш ва ваколатли органга киритиш.

Маблағ талаб этилмайди

2026 йил

октябрь

Экология қўмитаси, Фанлар академияси, вазирлик ва идоралар

42.

IUCN Red List of Ecosystem халқаро стандартларига мувофиқ табиий ва антропоген турдаги экотизимлар классификаторини ишлаб чиқиш.

1. IUCN Red List of Ecosystem Typology 2.0, RLE Guidelines баҳолаш тамойили ва тавсияларини ўрганиш.

2. IUCN GET асосида мамлакат/минтақа экотизимларининг тўлиқ рўйхатини тузиш.

3. Картографиялаш ва тавсифлаш ишларини амалга ошириш.

4. IUCN RLE билан интеграция қилиш.

5. Классификаторни яратиш чораларини кўриш.

Халқаро грантлар

2026-2027

йиллар давомида

Экология қўмитаси, Фанлар академияси

43.

Ёввойи ҳайвонот дунёси объектларини табиий муҳитдан ажратиб олишга доир квоталарнинг чегаравий қийматларини белгилаш методологиясини ишлаб чиқиш.

1. Ёввойи ҳайвонот дунёси объектларини табиий муҳитдан ажратиб олишга доир квоталарнинг чегаравий қийматларини белгилаш бўйича халқаро тажрибани ўрганиш.

2. Илмий тадқиқот муассасалари эксперт ва мутаҳассисларини жалб этган ҳолда илмий маълумотларни тўплаш ва таҳлил қилиш.

3. Ёввойи ҳайвонот дунёси объектларини табиий муҳитдан ажратиб олишга доир квоталарнинг чегаравий қийматларини белгилаш методологиясини ишлаб чиқиш.

Халқаро грантлар, Экология қўмитасининг бюджетдан ташқари маблағлари

2027-2030

йиллар давомида

Экология қўмитаси, Фанлар академияси

44.

Маҳаллий фауна, бегона ҳайвонлар ва ўсимликлар турлари учун хавфни мониторинг қилиш ва баҳолаш тартибини ишлаб чиқиш.

1. Халқаро ва минтақавий тажрибани ўрганиш ва таҳлил қилиш.

2. Мониторинг объектлари рўйхатини шакллантириш.

3. Хавфни мониторинг қилиш ва баҳолаш тартибини ишлаб чиқиш ва манфаатдор идоралар билан келишиш.

4. Методологияни тажриба-синовдан ўтказиш.

Халқаро грантлар, Экология қўмитасининг бюджетдан ташқари маблағлари

2027-2030

йиллар давомида

Экология қўмитаси, Фанлар академияси

45.

Замонавий технологияларни қўллаган ҳолда биохилма-хилликни ҳисобга олиш ва мониторингини юритиш методикасини ишлаб чиқиш ва тасдиқлаш.

1. Мавжуд тажрибани таҳлил қилиш.

2. Ҳисобга олиниши лозим бўлган турлар ва экотизимларни аниқлаш.

3. Усуллар ва технологияларни танлаш (сунъий йўлдош тасвирлари, дронлар, GAT таҳлили, фотоқопқонлар, акустик сенсорлар, GPS бўйинбоғлари, ёрлиқлар ва узатгичлар, халқаро маълумотлар базаларидан фойдаланиш, сунъий интеллектни қўллаш ва бошқалар).

4. Ҳар бир усул учун қўлланилиш тавсифи, чекловларни ўрганиш.

5. Йўриқнома тузиш, методологияни синовдан ўтказиш, мувофиқлаштириш ва тасдиқлаш.

Халқаро грантлар, Экология қўмитасининг бюджетдан ташқари маблағлари

2027-2030

йиллар давомида

Экология қўмитаси, Фанлар академияси

46.

Саноат корхоналарида (нефт қазиб олувчи компаниялар, фото, шамол, электр станциялари ва бошқалар) биохилма-хилликнинг ишлаб чиқариш мониторингини юритиш тартибини ишлаб чиқиш ва жорий этиш.

1. Халқаро стандартлар (IUCN, АЕWА, SBD ва бошқалар) ва қўшни давлатлар тажрибасини таҳлил қилиш.

2. Мониторинг юритилиши лозим бўлган корхоналар ёки уларнинг тоифалари рўйхатини белгилаш.

3. Ҳисоботларга киритиш учун зарур бўлган мониторинг кўрсаткичларини аниқлаш.

4. Ҳисоботларни топшириш ва келишиш тартибини белгилаш.

5. Хўжалик юритувчи субъектларни биохилма-хиллик мониторингини юритиш тартиби ва маълумотларни тақдим этиш тартиби билан таништириш.

Маблағ талаб этилмайди

2026-2028

йиллар давомида

Экология қўмитаси, Ўрмон ва яшил ҳудудларни кўпайтириш, чўлланишга қарши курашиш агентлиги, Фанлар академияси

47.

Тўдакўл ва Қуйимозор сув омборлари, шунингдек Денгизкўл, Тузкон, Судочье, Жилтирбас кўллари ҳудудларида кўчиб юрувчи сув қушлари мониторингини ўтказиш.

1. Сувда сузувчи қушларнинг учиб ўтиши, уя қуриши ва қишлаши даврида далаларга чиқишларини ташкил этиш ва ҳисобга олиш ҳамда у ёки бу ҳудудда мунтазам мониторинг олиб борувчи ташкилотлардан ахборот йиғиш.

2. Ахборотни таҳлил қилиш ва маълумотлар базасига киритиш.

3. Салбий таъсирни камайтириш ва сув қушларни муҳофаза қилиш бўйича тавсиялар ишлаб чиқиб, татбиқ этиш.

Халқаро грантлар, Экология қўмитасининг бюджетдан ташқари маблағлари

Доимий

Экология қўмитаси, Фанлар академияси

48.

Қизил китобга киритилган ўсимлик ва ҳайвонот дунёси объектларининг мониторингини юритиш.

1. Мониторинг ишлари режалаштирилаётган ҳудудни ва муддатларни танлаш.

2. Ҳудуднинг тур таркиби бўйича мавжуд маълумотларни тўплаш ва таҳлил қилиш.

3. Зоология ва Ботаника институтлари томонидан илмий экспедициялар ва дала тадқиқотларини ташкил этиш.

4. Камёб ва йўқолиб кетиш хавфи остидаги турларининг мониторингини юритиш орқали уларнинг ҳозирги ҳолатини баҳолаш.

5. Камёб ва йўқолиб кетиш хавфи остидаги турлари бўйича маълумотларни давлат кадастр тизимига киритиш.

6. Тавсиялар ишлаб чиқиб, татбиқ этиш.

Ижрочиларнинг ўз маблағлари ҳисобидан

2026-2030

йиллар давомида

Фанлар академияси, Экология қўмитаси

49.

Мазкур Дастурга 8-иловадаги рўйхатга мувофиқ ўрмон хўжаликларида ҳамда ўрмон-ов хўжаликлари ҳудудларида ўсимлик ва ҳайвонот дунёси мониторингини юритиш.

1. Дала тадқиқотларини ташкил этиш ҳамда ёввойи ўсимликлар ва ҳайвонлар (овланадиган ҳайвон турлари) ҳисобини Экология қўмитаси тасдиқлаган рўйхат асосида юритиш.

2. Кузатув маълумотларини таҳлил қилиш (уларнинг ўзгариш динамикаси) ва ҳисобот тайёрлаш.

3. Ўсимлик ва ҳайвонот дунёси объектлари бўйича олинган мониторинг маълумотларини давлат кадастр тизимига киритиш.

4. Таҳлил натижаларига кўра ўрмон фонди ерларида мавжуд бўлган ўсимлик ва ҳайвонот дунёсининг муҳим объектларини сақлаб қолиш бўйича тавсиялар ишлаб чиқиш ва татбиқ этиш.

Ижрочиларнинг ўз маблағлари ҳисобидан

2026-2030

йиллар давомида

Ўрмон ва яшил ҳудудларни кўпайтириш, чўлланишга қарши курашиш агентлиги, Фанлар академияси, Экология қўмитаси

50.

Мазкур Дастурга 9-иловадаги рўйхатга мувофиқ муҳофаза этиладиган табиий ҳудудларидаги ҳайвонот ва ўсимлик дунёси объектларининг индикатор ва Қизил китобга киритилган турлари ҳамда экологик тизим ҳолатининг локал мониторингини юритиш.

1. Муҳофаза этиладиган табиий ҳудудларда мониторинг ўтказиш бўйича иш дастурини тайёрлаш.

2. Муҳофаза этиладиган табиий ҳудудларда ишловчи ходимлар учун ўсимлик ва ҳайвонот дунёсининг тур таркиби ва тасдиқланган мониторинг усулларини қўллаш бўйича ўқув семинарларини ташкил этиш.