II бўлим. 10-§. Хизмат кўрсатувчи хўжаликларни ҳисобга олувчи счётлар 2700

133. Хизмат кўрсатувчи хўжаликларда ишлаб чиқарилган маҳсулот, бажарилган ишлар ва кўрсатилган хизматлар билан боғлиқ харажатлар тўғрисидаги маълумотлар 2710-«Хизмат кўрсатувчи хўжаликлар» счётида умумлаштирилади.

Корхонанинг хизмат кўрсатувчи хўжаликлари сифатида мазкур корхонанинг мақсади бўлган маҳсулот ишлаб чиқариш, ишларни бажариш ва хизматлар кўрсатиш билан боғлиқ бўлмаган ишлаб чиқариш ва хўжаликлар тушунилади. Хусусан, ушбу счётда корхонанинг балансида бўлган соғлиқни сақлаш объектлари, болалар боғчалари, уй-жой коммунал хўжалиги, спорт ва маданият объектлари, тикувчилик ва бошқа маиший хизмат кўрсатиш устахоналари, ошхона ва буфетлар, илмий-тадқиқот ва конструкторликка оид ажратилган бўлинмаларни сақлаш харажатлари акс эттирилади.

134....