Номоддий активлар амортизациясини ҳисоблаш тартиби

Тавсияда:

– НМА амортизациясини ҳисоблаб ёзишга оид умумий қоидалар;
– НМА  фойдали хизмат муддати қандай аниқланади;
– НМА  амортизацияси ҳисоблаб ёзиладиган қиймат;
– НМА  амортизациясини турли усулларда ҳисоблаб ёзиш;
– амортизацияни ҳисоблаб ёзишнинг бухгалтерия ҳисоби.

Номоддий активлар амортизациясини ҳисоблаб ёзишга оид умумий қоидалар 

Амортизация – бу НМА  қийматини уларнинг фойдали хизмат муддати давомида корхона  харажатларига аста-секин ўтказишдир .

НМА  амортизациясини:

• объект НМА  таркибига қабул қилинган ойдан кейинги ойнинг 1-санасидан бошлаб;
• ҳар бир объект бўйича НМА  эскириши ҳисобга олинадиган счётлар (0500-счётлар)да акс эттириш йўли билан ҳар ойда;
• объектнинг амортизацияланаётган қиймати тўлиқ сўндирилгунига ёки унинг чиқиб кетишига қадар ҳисоблаб ёзинг. НМА  чиқариб юборилган ва балансдан ҳисобдан чиқарилган тақдирда амортизацияни сўнгги бор у чиқариб юборилган ойда ҳисоблаб ёзинг .