Идорага тааллуқлилик

Идорага тааллуқлилик – ҳуқуқий низони кўриб чиқиш ва ҳал қилиш ваколатига эга бўлган аниқ идорани белгилаш. Ушбу тушунча кенгроқдир, чунки нафақат суд органлари, балки бошқа идоралар ўртасида ишларни тақсимлаш қоидаларини ўрнатишни ҳам ўз ичига олади. Республика суд тизимида – Ўзбекистон Республикаси Конституциявий суди, Ўзбекистон Республикаси Олий суди, ҳарбий судлар, умумий юрисдикция (жиноий, фуқаролик, маъмурий) судлари ва иқтисодий судлар ўртасидаги ваколатларни ажратиш. Низоларнинг муайян судга тааллуқлилигини аниқлашнинг асосий мезони бўлиб вужудга келган ҳуқуқий муносабатлар характери (предмети) хизмат қилади.