Транспорт воситаси учун утилизация йиғимини ҳисоблаш ва тўлаш тартиби

2022-йил 28 февраль

Солиқ қўмитаси ғилдиракли транспорт воситалари, ўзиюрар машиналар ва уларнинг тиркамалари учун утилизация йиғимини қандай ва қачон топшириш ҳамда йиғимни қандай ва қачон тўлашни эслатиб ўтди.

Утилизация йиғими :

транспорт воситаларини "эркин муомалага чиқариш" (импорт) божхона режимида расмийлаштирадиган;
Ўзбекистонда сотиладиган транспорт воситалари ишлаб чиқарадиган (йиғадиган, тайёрлайдиган) жисмоний ва юридик шахслар томонидан ҳисоблаб чиқарилади.

Ҳисоб-китобларда Утилизация йиғимининг миқдорлари ва утилизация йиғими тўланадиган ғилдиракли транспорт воситалари, ўзиюрар машиналар ва уларнинг тиркамаларининг турлари ва тоифалари рўйхатидан фойдаланинг.

Эътибор беринг

19.08.2021 йилдаги ПҚ-5225-сон қарорга мувофиқ юк ташиш учун мўлжалланган, ишлаб чиқарилганига 7 йилдан ошмаган қуйидаги транспорт воситаларини 2025 йил 1 январга қадар Ўзбекистонга импорт қилишда уларга божхона божининг, утилизация йиғимининг ва автотранспорт воситаларини сотиб олганлик учун автотранспорт йиғимларининг ноль ставкалари қўлланилади:

"Евро-5" ва ундан юқори экологик тоифа талабларига мос келадиган автотранспорт воситалари (ТИФ ТН кодлари 8701 20, 8704 23 (самосваллардан ташқари);

тиркамалар ва ярим тиркамалар (ТИФ ТН кодлари 8716 31, 8716 39).

Импорт қилинадиган транспорт воситалари учун утилизация йиғимини тўлаш схемаси:

Босқичлар	Тадбирлар	Масъуллар	Бажариш муддатлари

I босқич	Импорт қилинадиган транспорт воситаларини "эркин муомалага чиқариш" (импорт) божхона режимида расмийлаштиришда утилизация йиғими ҳисоб-китобларини божхона органига бериш	Импортчи, ДБҚ	Транспорт воситаларини "Эркин муомалага чиқариш" (импорт) божхона режимида расмийлаштириш вақтида
II босқич	Утилизация йиғимини тўлаш	Импортчи	Божхона декларациясини топширишдан олдин ёки бир вақтда

III босқич	Тақдим этилган утилизация йиғими ҳисоб-китобларида тафовутлар ва (ёки) хатолар аниқланган тақдирда утилизация йиғими тўловчига қайта ҳисоб-китоб қилиш ва (ёки) тегишли Ҳисоб-китобга тузатишлар киритиш тўғрисида талабнома йўллаш	ДБҚ	Қарз юзага келган ҳолат аниқланган кундан бошлаб 10 иш кунидан кечиктирмай.

IV босқич	Утилизация йиғими бўйича фарқни тўлаш ёки ортиқча тўланган маблағларни қайтариш	Импортчи ёки Молия вазирлиги	Такроран (тузатилган) Утилизация йиғими ҳисоб-китоби тақдим этилган кундан бошлаб 10 иш куни ичида

Ўзбекистонда ишлаб чиқариладиган (йиғиладиган) ва сотиладиган транспорт воситалари учун утилизация йиғимини тўлаш схемаси

Босқичлар	Тадбирлар	Масъуллар	Бажариш муддатлари

I босқич	Маҳаллий ишлаб чиқарувчи солиқ органига Ўзбекистонда реализация қилинаётган транспорт воситалари бўйича утилизация йиғими ҳисоб-китобларини электрон шаклда тақдим этади	Ишлаб чиқарувчи, ДСҚ	Ҳисобот ойидан кейинги ойнинг 20 кунидан кечиктирмай
II босқич	Ўзбекистонда реализация қилинаётган транспорт воситалари бўйича утилизация йиғимини тўлаш	Ишлаб чиқарувчи	Ҳисобот ойидан кейинги ойнинг 20 кунидан кечиктирмай

III босқич	Тақдим этилган утилизация йиғими ҳисоб-китобларида тафовутлар ва (ёки) хатолар аниқланган тақдирда утилизация йиғими тўловчига қайта ҳисоб-китоб қилиш ва (ёки) тегишли Ҳисоб-китобга тузатишлар киритиш тўғрисида талабнома йўллаш	Солиқ органи	Қарз юзага келган ҳолат аниқланган кундан бошлаб 10 иш кунидан кечиктирмай

IV босқич	Утилизация йиғими бўйича фарқни тўлаш ёки ортиқча тўланган маблағларни қайтариш	Ишлаб чиқарувчи ёки Молия вазирлиги	15 кун ичида

Утилизация йиғимини тўлаш учун ҳисобварақлар ЯИДХПда (хизматга ҳавола) ҳамда ДБҚ ва ДСҚнинг расмий сайтларида жойлаштирилган:

Манбага қаранг.