Импорт қилиш чоғида активларнинг келиб тушиши қандай ҳисобга олинади

Тавсияда:

– қуйидагилар импортини ҳисобга олиш:
      норезидент томонидан монтаж қилинадиган ускуна;
      ТМЗ;
      консигнация шартномаси бўйича ТМЗ;
– бир нечта товарлар турини импорт қилишда харажатларни тақсимлаш;
– брокерлик хизматларини ҳисобга олиш.

Импорт активларнинг бошланғич қийматини сўмда аниқланг. Бунинг учун уларнинг сотиб олинишини тасдиқловчи дастлабки ҳисоб ҳужжатларида (товар кузатув ҳужжатлари ёки БЮД) кўрсатилган чет эл валютасидаги қийматини активни бухгалтерия ҳисобига қабул қилиш санасида МБ курси бўйича қайта ҳисоб-китоб қилинг  .

Активни тан олишнинг мезонларидан бири – бу унга бўлган мулк ҳуқуқининг берилиши пайтидан ўтиши . У олди-сотди шартномаси асосида аниқланади, етказиб бериш шартлари ва муддатлари Инкотермс атамаларида тартибга солинади.