Қандай ҳолларда корхона камерал солиқ текширувига тушиши мумкин

Тавсияда:

– ким камерал солиқ текширувидан ўтади;
– қандай ҳолларда камерал солиқ текширувидан қочиб бўлмайди;
– текширувдан олдинги таҳлил қандай ўтказилади;
– камерал солиқ текшируви ким томонидан ва қандай тайинланади;
– камерал солиқ текширувини ўтказиш жойи;
– камерал солиқ текшируви ўтказилиши юзасидан талабнома келса, нима қилиш керак.

Камерал солиқ текшируви – бу солиқ органлари томонидан масофадан туриб, солиқ тўловчининг мажбурий ташрифисиз амалга ошириладиган назоратдир. Одатда ушбу текширув учун ҳужжатларни алмашиш кифоя қилади. Аммо, бунга асло енгил қараманг, чунки унинг салбий оқибатларини бартараф этиш анча қийин бўлади.

Ким камерал солиқ текширувидан ўтади

Солиқ инспекцияси камерал солиқ текшируви давомида юридик шахслар ва юридик шахс ташкил этмасдан ишлаётган тадбиркорлар томонидан солиқ қонунчилигига риоя этилишини текширади. Камерал солиқ текшируви тақдим этилган солиқ ҳисоботи ва солиқ органи ихтиёрида бўлган бошқа ҳужжатларни таҳлил этиш натижасида тайинланиши мумкин. Таҳлил «Таҳлика-таҳлил» автоматлаштирилган дастурий маҳсулоти ёрдамида амалга оширилади. Ушбу дастурни жорий этиш инсон омилини бартараф этишга қаратилган бўлиб, бунинг натижасида солиқ тўловчилардан бири эътибордан четда қолиши ёки аксинча, солиқ органларининг жиддий эътиборига тушиши мумкин.

Умумий...