2022 йил учун мол-мулк солиғи ҳисоб-китобини қандай тўлдириш керак
Тавсияда:
– ҳисоб-китобни тақдим этиш муддати;
– ҳисоб-китобни тўлдириш тартиби.
Ҳисоб-китобни тақдим этиш муддати
Юридик шахсларнинг мол-мулкига солинадиган солиқ ҳисоб-китобини солиқ бўйича ҳисобга олиш жойидаги солиқ органига йилида бир марта, ҳисобот йилидан кейинги йилнинг 1 мартидан кечиктирмай тақдим этинг .
Агар кўчмас мулк солиқ бўйича ҳисобга олиш жойида жойлашмаган бўлса, ҳисоб-китоб кўчмас мулк жойлашган ердаги солиқ органларига тақдим этилади. Бироқ бу қуйидаги мол-мулкларга тааллуқли эмас (улар бўйича ҳисоб-китоб солиқ бўйича ҳисобга олиш жойидаги солиқ органига тақдим этилади):
- темир йўллар;
- магистрал қувурлар;
- алоқа ва электр узатиш линиялари;
- мазкур объектларнинг ажралмас технологи кқисми бўлган иншоотлар.
Ҳисоб-китоб қандай тўлдирилиши керак
Шакли my.soliq.uz порталида жойлаштирилган Ҳисоб-китобнинг ўзи кадастр органлари маълумотлари ҳамда тўлдирилган Ҳисоб-китобга иловалар асосида автоматик тарзда тўлдирилади.
Натижада сиз тўланиши лозим бўлган солиқ суммасини (190-сатрда) ёки солиқ бўйича ортиқча тўланган бўнаклар суммасини (200-сатрда) кўришингиз мумкин.
Ҳисоб-китобга иловаларни тўлдиришни кўриб чиқамиз.
1. 1-«Бино ва иншоотлар бўйича мол-мулк солиғи ҳисоб-китоби» иловаси
Кадастр органларининг маълумотларига асосан автоматик тарзда тўлдирилади.
Бунда солиқ суммаси қуйидагиларни ҳисобга олган ҳолда аниқланади:
- мол-мулк солиғини ҳисоб-китоб қилиш мақсадларида бино ва иншоотларнинг энг кам...