Солиқ аудити натижаси бўйича шикоятни қандай бериш керак

Тавсияда:

– солиқ аудити натижаларини расмийлаштириш;
– солиқ аудити пайтида ва унинг натижалари бўйича санкциялар;
– солиқ аудити хулосаси устидан шикоят қилиш;
– текширилаётган шахснинг шикоятини кўриб чиқиш бўйича юқори турувчи солиқ органининг ваколатлари;
– солиқ аудити натижалари бўйича шикоятнинг мазмуни.

Солиқ аудити натижалари қандай расмийлаштирилади

Солиқ аудити натижалари бўйича инспекторлар далолатнома тузадилар. Солиқ аудити далолатномасида қуйидагилар кўрсатилади:

• текширилаётган корхона ҳақидаги асосий маълумотлар:

– биринчи ва иккинчи имзо ҳуқуқига эга бўлган шахслар;
– фаолият турлари;
– аудитни электрон рўйхатга олиш тўғрисидаги маълумотлар;
– муассислар тўғрисидаги маълумотлар;
– кадастр ҳужжатлари маълумотлари;
– таркибий бўлинмалар ҳақида маълумотлар;
– лицензиялар;
– инвестициялар;

• инспекторлар текширишни бошлаш тартибига риоя қилганликлари тўғрисида белгилар:

– буйруқ тақдим этилганлиги;
– текширилаётган шахснинг ҳуқуқ ва мажбуриятлари тушунтирилганлиги;

• аудитни ўтказиш жараёни ва аниқланган ҳолатлар:

– йиллар кесими бўйича даромадлар;
– қўшимча ҳисобланган солиқлар;
– инспекторлар томонидан ўтказилган тадбирлар;
– аниқланган қоидабузарликлар;
– далолатномага илова қилинадиган ҳужжатлар;
– ҳужжатларни ўрганиш усуллари (танлаб олиб ёки ёппасига);

• солиқ аудити натижаси бўйича хулосалар.

Аниқланган қоидабузарлик ҳолатларини тасдиқловчи ҳужжатлар солиқ аудити далолатномасига илова қилинади. Агар қоидабузарликлар аниқланмаса, инспекторлар бу ҳақда далолатномага ёзадилар .

Далолатнома уч нусхада тузилади ҳамда текширувчилар ва текширилаётган корхона вакиллари томонидан имзоланади. Инспекторлар солиқ аудити тугаганидан кейин бир нусхасини 3 кун ичида сизга юбориши керак