Чет эллик шахслардан олинган хизматлар бўйича ҚҚС ҳисоб-китоби қандай тўлдирилади

“Чет эллик шахслардан олинган хизматлар бўйича ҚҚС ҳисоб-китобини биринча марта тўлдираяпман. Нималарни ҳисобга олиш кераклигини айтиб берсангиз?  У ўсиб борувчи якун билан тўлдириладими?”.

Buxgalter.uz илтимосига биноан саволга “Assistance In Tax” солиқ маслаҳатчилари ташкилоти директори Радмила КАРИМОВА жавоб берди:

– Агар сизнинг корхонангиз чет эл компанияси хизматларини олган бўлса, ҚҚС тўловчиси ёки тўловчиси эмаслигидан қатъи назар – у:

• алоҳида Чет эллик шахслардан олинган товарлар (хизматлар) бўйича қўшилган қиймат солиғи ҳисоб-китобини (солиқ коди 10001_5) тўлдириши;
• агар Ўзбекистон ушбу хизматларни реализация қилиш жойи деб эътироф этилса , тегишли солиқ суммасини тўлаши шарт.

Агар сизнинг корхонангиз – ҚҚС тўловчиси бўлса, тўланган солиқ ҳисобга қабул қилиш шартларига риоя қилинган тақдирда ҳисобга олинади .

Агар Ўзбекистон олинган хизматларни реализация қилиш жойи деб эътироф этилмаса, сиз шунингдек ушбу Ҳисоб-китобни тўлдиришингиз ва унда хизматлар қийматини 0102-сатрда акс эттиришингиз керак. Бу ҳолда ҚҚС тўланмайди.

Хизматлар қийматини Ҳисоб-китобда реализация қилиш бўйича айланма амалга оширилган санада Марказий банк курси бўйича акс эттиринг . Хизматлар бўйича – бу улар кўрсатилганлиги фактини тасдиқловчи ҳисобварақ-фактура ёки бошқа ҳужжат расмийлаштирилган (имзоланган) сана .

Ҳисоб-китобни тақдим этиш муддатлари :

• ҚҚС тўловчилар бўлган солиқ агентлари учун – ҳақиқатда хизматлар олинган ойдан кейинги ойнинг 20 кунидан кечиктирмай;
• ҚҚС тўловчи бўлмаган солиқ агентлари учун – солиқни тўлаш амалга оширилган ойдан кейинги ойнинг 20 кунидан кечиктирмай.

Сизга қуйидаги тавсиялар асқотиши мумкин:

• Чет эллик шахслардан товарларни (хизматларни) олишда солиқ агенти ҚҚСни қандай ҳисоблаб чиқаради;
• ҚҚСни қачон товарлар ва хизматларнинг қийматига киритиш керак;
• ҚҚСни қачон ҳисобга олиш мумкин;
• Импорт операциялари бўйича ҳисоб-китоблар қандай амалга оширилади.