ТМЗ харид қилинганда фойдаланилган чегирма қандай ҳисобга олинади

Тавсияда:

– ТМЗни харид қилиш пайтида фойдаланилган чегирмалар ҳисоби;
– ТМЗ харид қилингандан сўнг фойдаланилган чегирмалар ҳисоби.

ТМЗни харид қилишда фойдаланиладиган чегирмаларни шартли равишда 2 турга ажратиш мумкин :

• харидорларга ТМЗни харид қилиш (юклаб жўнатиш) пайтида тақдим этилган чегирмалар. Ҳисобда алоҳида ўтказма билан ажратиб кўрсатилмайди;
• харидорларга ТМЗ харид қилингандан (юклаб жўнатилгандан) ва кирим қилингандан сўнг тақдим этилган чегирмалар, уларни олиш ҳуқуқининг юзага келиши харидор томонидан шартноманинг муайян шартларини бажариш билан боғлиқ.

Харидорнинг чегирмадан фойдаланиш шартлари қуйидагиларда акс этирилиши лозим:

• шартномада (контрактда);
• оммавий офертада;
• харидор ва етказиб берувчи ўртасида муайян турдаги товарлар реализацияси бўйича ўзаро ҳисоб-китобларни тартибга солувчи бошқа ҳужжатларда.

ТМЗни харид қилиш пайтида фойдаланилган чегирмалар қандай ҳисобга олинади

Харидор томонидан ТМЗни қабул қилиш санасида фойдаланилган чегирмалар тасдиқловчи бирламчи ҳисоб ҳужжатлари мавжуд бўлганда харид қилинган ТМЗнинг нархи (қиймати)ни камайтиради. Улар сотиб олиш харажатлари таркибига киритилмайди.