Комитентлар ва комиссионерлар онлайн-НКТни қандай қўллашлари керак

Тавсияда:

– комиссия шартномалари бўйича реализация солиқ ҳисоботларида қандай акс эттирилади;
– онлайн-кассани созлаш:
       комиссия шартномалари бўйича, агар комитент якка тартибдаги тадбиркор ёки юридик шахс бўлса;
       субкомиссия шартномалари бўйича, агар комитент якка тартибдаги тадбиркор ёки юридик шахс бўлса;
       комиссия шартномалари бўйича, агар комитент жисмоний шахс ёки норезидент бўлса;
       субкомиссия шартномалари бўйича, агар комитент норезидент бўлса;
– комитентлар, комиссионерлар бўйича реализация ҳажмлари тўғрисида йиғма ахборотни НКТдан қандай олиш мумкин.

Комиссия шартномаси бўйича реализация қилинадиган товар онлайн-НКТ (онлайн-НКМ, виртуал кассалар, маркетплейслар ва тўлов сервислари) чекларида қўшимча реквизит билан акс эттирилиши керак. Агар бу якка тартибдаги тадбиркор (ЯТТ)нинг товари бўлса, унинг ЖШШИРи кўрсатилади, агар юридик шахснинг товари бўлса – СТИР кўрсатилади. Агар бу жисмоний шахс ёки чет эл компаниясининг товари бўлса – комитентнинг ID-рақами кўрсатилади. Тўғри созлашлар онлайн-НКТ маълумотларининг ҚҚС (ёки айланмадан олинадиган солиқ) бўйича солиқ ҳисоботида тўғри акс эттирилишини таъминлайди.

Ушбу тавсияда қандай қилиб my.soliq.uz порталидаги «Онлайн назорат-касса техникасига доир ахборот» интерактив хизматининг янги функционали ёрдамида ҳаммасини созлаш кераклиги ҳақида гапириб берамиз.

Комиссия шартномалари бўйича реализация солиқ ҳисоботларида қандай акс эттирилади

Солиқ кодексининг 250 ва 463-моддаларига мувофиқ комитент ва комиссионер учун солиқ базаси қуйидагича шакллантирилади:

• комиссионерда (ишончли вакилда) (ва субкомиссионерда – субкомиссия шартномалари бўйича) – унинг комиссиявий ҳақи миқдорида;
• комитентда (ишонч билдирувчида) – комитент (ишонч билдирувчи) топшириғига биноан комиссионер (ишончли вакил) томонидан реализация қилинган товарлар, шунингдек комитент (ишонч билдирувчи) томонидан худди шундай учинчи шахс билан комиссионер (ишончли вакил)  тузилган битими бўйича кўрсатилган хизматлар қиймати миқдорида.

Агар комиссия (субкомиссия) шартномасининг томонлари барча созлашларни амалга оширган бўлса, унда:

• комитентнинг СТИР/ЖШШИРи кўрсатилганда – товарнинг бутун қиймати автоматик равишда...