Суд ҳужжати ижро этилишини таъминлаш учун бухгалтер нима қилиши керак

Тавсияда:

– ижро ишини юритиш бу нима;
– ижро варақаси ва у ким томонидан берилади;
– ижро варақаси бўйича банк орқали қарзни ундириш;
– ижро варақасини бир нечта банкларга қандай тақдим этиш мумкин.

Корхонада дебиторлик қарзлари йиғилиб, муаммони музокаралар йўли билан ҳал қилишнинг имкони бўлмаганида, сиз судга мурожаат қилишга, давлат божини тўлашга ва суд жараёнининг барча босқичларидан ўтишга мажбур бўлдингиз. Муайян вақтдан сўнг сиз корхонангиз фойдасига ҳал бўлган қонуний кучга кирган суднинг ҳал қилув қарорини олдингиз, бироқ кутилган натижага эришилмаган, чунки ҳали яна бир муҳим босқич – қарорнинг бажарилиши ҳам мавжуд.

Ижро ишини юритиш бу нима

Юридик ва жисмоний шахслар ўртасидаги баҳсли масалалар суд тартибида ҳал қилинганда, тарафлар у қонуний кучга киргандан кейин ихтиёрий равишда ижро этилиши лозим бўлган суднинг ҳал қилув қарорини оладилар. Кўпинча ҳал қилув қарорлари ушбу тарзда ижро этилади, лекин қарздор тараф қарорни белгиланган муддатларда ижро этмаслиги ҳолатлари ҳам учрайди.

Шундай қилиб, корхонангиз фойдасига иқтисодий ёки фуқаролик судининг ҳал қилув қарори қабул қилинди. Сизнинг рақибингиз билан судлашишнинг якуний босқичи – суднинг ҳал қилув қарорини мажбурий ижро этиш, у фақатгина ижро варақаси асосида амалга оширилиши мумкин