Ундирувни қарздорнинг мол-мулкига қаратиш қандай амалга оширилади

Тавсияда:

– мол-мулкни хатлаш ва унинг кетма-кетлиги;
– хатловга олинган мол-мулкларни баҳолаш;
– ундирувга қаратилиши мумкин бўлмаган мол-мулклар;
– ундирувни дебиторлик қарзга қаратиш;
– қарздор тугатилган бўлса, суднинг қарори қандай ижро этилади;
– ижро иши юритишнинг ижро этилмасдан тугатилиши;
– давлат ижрочиларига солиқ хизмати органларининг кўмаклашуви.

Ундирувни қарздорнинг мол-мулкига қаратиш ушбу мол-мулкни хатловга олиш (хатлаш) ҳамда уни мажбурий равишда реализация қилишдан иборат. Қарздорнинг мол-мулкини хатлаш мол-мулкни рўйхатга олишдан, уни тасарруф қилиш ман этилганлигини эълон қилишдан, зарур ҳолларда эса мол-мулкдан фойдаланиш ҳуқуқини чеклашдан, уни олиб қўйиш ёки сақлашга топширишдан иборатдир. Чеклашнинг турлари, ҳажми ва муддатларини ҳар бир муайян ҳолда мол-мулкнинг хусусиятини, унинг мулкдори ёки эгаси учун аҳамиятини ҳисобга олиб давлат ижрочиси белгилайди. Бунда мол-мулкни қарздорнинг ўзида сақлаш учун қолдирилиши тақиқланмайди.

Давлат ижрочиси томонидан мустақил равишда ундирувни қарздорингизнинг мол-мулкига қаратиш тўғрисидаги қарорининг қабул қилинишини кутиш ва чамалаб туриш керак эмас. Aгар сизга қарздорнинг ҳисобрақамларида ҳеч қандай пул маблағлари мавжуд эмаслиги тўғрисида хабар берадиган бўлишса, қарздор ўз мол-мулкини реализация қилиб улгурмасидан олдин уни реализация қилиш йўли билан қарзнинг қоплаб берилишини талаб қилган ҳолда давлат ижрочисига расмий равишда тегишли илтимоснома (ариза) ёзинг. Бундай ҳолатда сизда давлат ижрочиси зудлик билан ундирувни мол-мулкка қаратишига имконият берадиган ишонч ортади. Қарздорингиз қандай мол-мулкка эга эканлиги, шунингдек унинг мол-мулки қаердалигини ёки ким томонидан вақтинча фойдаланишда эканлигини мустақил равишда аниқлашга ҳаракат қилинг. Ўзингизда мавжуд бўлган маълумотларни...