Ваколатга эга бўлмаган шахс шахсий кабинетга киргани аниқланганда нима қилиш керак

Тавсияда:

– рухсатсиз хатти-ҳаракатлар қайси ЭРИ ёрдамида амалга оширилганлигини қандай аниқлаш мумкин;
– юридик шахснинг ЭРИсидан фойдаланган ҳолда келгусида рухсатсиз хатти-ҳаракатлар эҳтимолига қандай барҳам бериш мумкин;
– юридик шахснинг «хавфли» ЭРИсини қандай бекор қилиш мумкин;
– юридик шахс учун янги ЭРИни қандай олиш мумкин.

my.gov.uz, my.soliq.uz, my.mexnat.uz ва фойдаланувчиларни идентификация қилиш учун электрон рақамли имзо қўлланиладиган бошқа сайтлардаги шахсий кабинетларга фақат ваколат берилган шахслар кириш имкониятига эга бўлиши керак. Агар сиздан ташқари кимдир кириб, раҳбариятнинг рухсатисиз бирор иш қилганини сезган бўлсангиз, кейинчалик бундай номақбул хатти-ҳаракатларнинг олдини олиш чораларини кўриш керак.

Хатти-ҳаракатлар қайси ЭРИ ёрдамида амалга оширилганини қандай аниқлаш мумкин 

Фойдаланувчиларни идентификациялаш имкониятига эга бўлган барча сайтлар шахсий кабинетларга киришда ёхуд у ёки бу давлат хизматларини олишда фойдаланилган ЭРИ ҳақидаги маълумотларни ўзида сақлаб қолади. Ушбу маълумотни олиш учун қўллаб-қувватлаш хизматига мурожаат қилиб, уни қандай олиш бўйича кўрсатма беришлари ҳақида сўранг.

Баъзи сайтларда ушбу маълумот фойдаланувчилар учун очиқ ва уни олиш учун сизга...