Сотув (қайтариш) чекида номенклатура қандай акс эттирилади

Тавсияда:

– онлайн-НКТ чекида мавжуд бўлиши шарт бўлган товар ҳақидаги маълумотлар;
– чекдаги мажбурий номенклатура: онлайн-касса қандай созланади;
– онлайн-НКТга киритиш учун номенклатурани шакллантиришда товар ҳақидаги маълумотлар қандай тайёрланади.

Онлайн-НКТ чекида товар ҳақида қандай маълумотлар бўлиши керак

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низомнинг 7-бандида белгиланган 25 та реквизитнинг 8 таси реализация қилинаётган товарларни тавсифлайди. Чекдаги маълумотлар қонун ҳужжатлари талабларига мувофиқ бўлиши учун ишни қандай ташкил қилишни кўриб чиқамиз.

Харид таркибига кирган ҳар бир товар бўйича чекларда қуйидагиларни кўрсатинг:

• товар/хизмат номи;
• МХИК;
• ўлчов бирлиги;
• штрих коди;
• рақамли маркировка белгиси;
• миқдори;
• қиймати (сотувчининг хоҳишига кўра ёзув нарх ва чегирмалар тўғрисидаги ахборотни ўз ичига олиши мумкин);
• ҚҚС ставкаси ва суммаси (айланмадан олинадиган солиқ тўловчиларнинг чекларида солиқ ставкаси кўрсатилмайди).

Бундан ташқари, фискал маълумотлар оператори чекларда товарнинг келиб чиқишини (олди-сотди, хизмат кўрсатиш, ўз ишлаб чиқариши) кўрсатишни тавсия қилади.

Товар ҳақидаги маълумотларни уни ассортиментингиздаги бошқа маҳсулотлардан фарқлаш осон бўладиган тарзда кўрсатинг   .

Чекдаги мажбурий номенклатура: онлайн-касса қандай созланади 

Ушбу ишни икки босқичга бўлиш мумкин:

1) савдо бошланишидан олдин – товарлар савдо шохобчасига ташриф буюрувчиларга сотишни бошлашдан олдин;

2) касса чекини бериш вақтида.

Онлайн-НКМ хотирасида ассортиментингиздаги товар ва хизматлар ҳақида тўлиқ ва ишончли маълумотларни кўрсатсангиз, онлайн-НКТ чекида товар ҳақидаги маълумотларни акс эттириш талабини бажаришингиз анча осон бўлади. Тўлов пайтида, агар товар мажбурий рақамли маркировка қилиниши зарур бўлган товарлар гуруҳига кирса, сиз 2D-сканер ва (ёки) Data Matrix ёрдамида қадоқдаги штрих кодни ўқишингиз керак бўлади. Шундан сўнг онлайн-НКМ  ёки виртуал касса чекда акс эттириш учун зарур бўлган товар ҳақидаги барча маълумотларни автоматик равишда хотирадан олади. Агар харид бир нечта товарларни ўз ичига олган бўлса, унда товарларнинг тўлиқ рўйхатини шакллантириш учун ҳар бир қадоқ штрих коди ва (ёки) Data Matrix ўқилиши керак.

Сотишни бошлашдан олдин, ассортиментингиздаги товарлар рўйхатини яратинг ва онлайн-НКТ хотирасига киритинг. Ушбу вазифани соддалаштириш учун баъзи ТХКМлар тайёр...