Сотув (қайтариш) чекида номенклатура қандай акс эттирилади

Тавсияда:

– онлайн-НКТ чекида мавжуд бўлиши шарт бўлган товар ҳақидаги маълумотлар;
– чекдаги мажбурий номенклатура: онлайн-касса қандай созланади;
– онлайн-НКТга киритиш учун номенклатурани шакллантиришда товар ҳақидаги маълумот тайёрлаш.

Онлайн-НКТ чекида товар ҳақида қандай маълумотлар бўлиши керак

Аҳоли билан пулли ҳисоб-китобларни амалга оширишда онлайн назорат-касса машиналари ва виртуал касса тизимини қўллаш тартиби тўғрисидаги низомнинг 7-бандида белгиланган 25 та реквизитнинг 7 таси реализация қилинаётган товарларни тавсифлайди. Чекдаги маълумотлар қонун ҳужжатлари талабларига мувофиқ бўлиши учун ишни қандай ташкил қилишни кўриб чиқамиз.

Харид таркибига кирган ҳар бир товар бўйича чекларда қуйидагиларни кўрсатинг:

• номи;
• МХИК;
• ўлчов бирлиги;
• маркировка қилинаётган товарнинг маркировка белгиси;
• миқдори;
• қиймати (сотувчининг хоҳишига кўра ёзув нарх ва чегирмалар тўғрисидаги ахборотни ўз ичига олиши мумкин);
• ҚҚС ставкаси ва суммаси (айланмадан олинадиган солиқ тўловчиларнинг чекларида солиқ ставкаси кўрсатилмайди).

Бундан ташқари, фискал маълумотлар оператори чекларда товарнинг келиб чиқишини (олди-сотди, хизмат кўрсатиш, ўз ишлаб чиқариши) кўрсатишни тавсия қилади.

Товар ҳақидаги маълумотларни уни ассортиментингиздаги бошқа маҳсулотлардан фарқлаш осон бўладиган тарзда кўрсатинг  .

Чекдаги мажбурий номенклатура: онлайн-касса қандай созланади 

Онлайн-НКТни икки босқичда созлаш мумкин:

1) савдо бошланишидан олдин – товарларни савдо шохобчасига ташриф буюрувчиларга сотишни бошлашдан олдин;

2) касса чекини бериш вақтида.

Онлайн-НКТ хотирасида ассортиментингиздаги товар ва хизматлар ҳақида тўлиқ ва ишончли маълумотларни кўрсатсангиз, онлайн-НКТ чекида товар...