Ердан фойдаланишнинг ҳуқуқий асослари ва қишлоқ хўжалигида бухгалтерия ҳисобининг хусусиятлари

Тавсияда: 

– ердан фойдаланишнинг ҳуқуқий асослари;
– ер участкаларини ҳисобга олиш;
– қишлоқ хўжалигида асосий ва ёрдамчи ишлаб чиқаришлар;
– қишлоқ хўжалиги ишлаб чиқаришининг мавсумийлиги;
– қишлоқ хўжалигининг ишлаб чиқариш цикллари;
– қишлоқ хўжалигида ички хўжалик айланмаси.

Қишлоқ хўжалиги фаолияти иккита асосий турни ўз ичига олади:

• чорвачилик (ҳайвонларни етиштириш ва кўпайтириш);
• ўсимликчилик (бир йиллик ёки кўп йиллик қишлоқ хўжалиги экинларини етиштириш, боғлар ва плантацияларни кўпайтириш, гулчилик ва бошқалар).

Қишлоқ хўжалиги корхоналарига Ўзбекистонда ўрнатилган бухгалтерия ҳисобининг барча қоидалари тармоқ хусусиятларини ҳисобга олган ҳолда татбиқ этилади. Бунда фермер хўжаликлари ташкил этиш тартиби махсус Низом билан белгиланган соддалаштирилган бухгалтерия ҳисоби тизимидан фойдаланишлари мумкин.

Ердан фойдаланишнинг ҳуқуқий асослари 

Қишлоқ хўжалигида бухгалтерия ҳисобининг асосий хусусиятларидан бири – бу ердан асосий ишлаб чиқариш воситаси сифатида фойдаланиш ҳисобланади. Ер ўзига хос хусусиятларга эга, хусусан, улар қуйидагилардан иборат:

• инсон томонидан яратилмаган табиий объект ҳисобланади;
• кўчириш ёки алмаштириш мумкин эмас;
• амортизация қилинмайди;
• ўз хусусиятларини ўзгартиришга қодир, масалан, унумдорлигини.

Қишлоқ хўжалигига мўлжалланган ерлар...