Умумий овқатланиш корхоналари фаолиятининг ҳуқуқий асослари

Тавсияда:

– умумий овқатланиш фаолиятидаги асосий тушунчалар;
– умумий овқатланиш корхоналари фаолиятидаги ҳуқуқий хавфлар:
        тўлақонли ҳисобга олмаслик;
        хабардор қилувчи ҳужжатларнинг мавжуд эмаслиги;
        санитария нормаларининг бузилиши;
        умумий овқатланиш маҳсулотларини ишлаб чиқариш ва хизматларини кўрсатиш қоидаларининг бузилиши;
– умумий овқатланиш корхоналарининг бухгалтерияга оид ҳисоб сиёсатини шакллантириш хусусиятлари.

Қуйидагилар Ўзбекистонда умумий овқатланиш соҳасини тартибга солувчи асосий норматив ҳужжатлар ҳисобланади:

• Ўзбекистон Республикасида умумий овқатланиш маҳсулотларини (хизматларини) ишлаб чиқариш ва сотиш қоидалари;
• Ўзбекистон Республикасида чакана савдо қоидалари;
• «Озиқ-овқат маҳсулотининг сифати ва хавфсизлиги тўғрисида»ги Қонун;
• Умумий овқатланиш корхоналарига қўйиладиган санитария-гигиена талаблари (0027-22-сон СанҚваН) (Санитария-эпидемиологик осойишталик ва жамоат саломатлиги қўмитасининг 14.07.2022 й. 14-сон қарори билан тасдиқланган);
• Озиқ-овқат маҳсулотлари хавфсизлигига оид гигиена меъёрлари (0366-19-сон СанҚваН) (бош давлат санитария врачи томонидан 25.05.2019 йилда тасдиқланган);

• «Истеъмолчиларнинг ҳуқуқларини ҳимоя қилиш тўғрисида»ги Қонун.

Умумий овқатланиш фаолиятидаги асосий тушунчалар  

Умумий овқатланиш корхонаси – умумий овқатланиш соҳасида хизматлар кўрсатиб, пазандачилик ва бошқа озиқ-овқат маҳсулотларини тайёрловчи, реализация қилувчи ва истеъмол қилинишини ташкил этувчи юридик шахс.