Янги иштирокчига МЧЖдаги улушнинг сотилиши қандай расмийлаштирилади

Тавсияда:

– уставда улушларни сотишнинг махсус шартлари мавжудлигини текшириш;
– имтиёзли сотиб олиш ҳуқуқи тўғрисидаги хабарнома;
– улушдан бошқа шахс фойдасига воз кечишни маъқуллаш тўғрисида муассисларнинг умумий йиғилишини ўтказиш;
– улушнинг олди-сотди шартномасини тузиш;
– янги иштирокчининг улушни сотиб олгани ҳақида хабардор қилиши;
– янги иштирокчи қайси пайтдан бухгалтерия ҳисобида ҳисобга олинади;
– улушлар тўғрисидаги янги гувоҳномаларни бериш;
– таъсис ҳужжатларини қайта рўйхатдан ўтказиш тўғрисида иштирокчиларнинг умумий йиғилишини ўтказиш;
– янги таҳрирдаги таъсис ҳужжатларини рўйхатдан ўтказиш;
– хатти-ҳаракатлар ва улуш сотилишини расмийлаштириш бўйича ҳужжатлар чек-листи.

МЧЖ мулкдори улушининг бир қисмини учинчи шахсга сотишга қарор қилди, у улушни сотиб олгач компанияни келгусида ривожлантириш учун инвестиция киритади. Ушбу битимни расмийлаштириш, одатда, компания юристи ва бош бухгалтери зиммасига юклатилади. Компания катта бўлмаса ва штатида юрист бўлмаса, ҳужжатларни тайёрлаш билан фақат бухгалтер шуғулланади.

МЧЖдаги улушни учинчи шахсга сотиш учун қандай ҳужжатлар пакетини тайёрлаш кераклигини, шу жумладан ҳужжатлар намуналарини кўриб чиқамиз, шунингдек қарор қабул қилишдан то таъсис ҳужжатларини Давлат хизматлари марказида рўйхатдан ўтказгунгача хатти-ҳаракатларнинг қадамма-қадам тартибини белгилаймиз.

Уставда улушларни сотишнинг махсус шартлари мавжудлигини текшириш  

Қонунчиликда улушни учинчи шахсга ўтказишнинг асосий шартларигина белгиланади. Бунда деярли барча шартларда «агар уставда бошқача тартиб белгиланган бўлмаса», дея изоҳ бериб ўтилади. Шу тариқа, компания мулкдорлари улушни ёки унинг бир қисмини янги иштирокчига сотиш ёки буни умуман тақиқлаш тартиб-таомилининг махсус шартларини ўзлари белгилай оладилар. Одатда, ноинсоф мулкдорлар ҳийла-найранг қилишига, шу жумладан «бизнесни олиб қўйишга» уринишларга йўл қўймаслик учун муассислари кўпчиликни ташкил этадиган йирик компанияларда махсус шартларни қайд этиш лозим. Масалан, умуман олганда улушларни бошқа шахсга ўтказишни тақиқламай, балки фақат сотишга рухсат бериб, бошқа шахсга ўтказишнинг айрим усулларинигина – ҳадя қилиш, мерос қолдириш, гаровга бериш ва бошқаларни тақиқлаш мумкин.

Компания устав капиталида олдиндан белгиланган улушни сотиб олиш нархини белгилаш ҳам тақиқланмаган. МЧЖ иштирокчилари улушни имтиёзли сотиб олиш ҳуқуқини амалга оширишлари...