Геологик изланишларнинг бухгалтерия ҳисоби қандай юритилади

Тавсияда:

– қуйидагиларнинг бухгалтерия ҳисоби:

буюртмачи учун ўтказиладиган геологик изланишларнинг;
геологик жиҳатдан ўрганиш мақсадида ер қаъри участкаларидан фойдаланиш ҳуқуқининг;
қазиб олувчи корхоналарда геологик изланишларга сарф-харажатларнинг;
эксплуатация разведкаси бўйича сарф-харажатларнинг.

Буюртмачи учун ўтказиладиган геологик изланишлар қандай ҳисобга олинади 

Геология-қидирув ишлари (ГҚИ) дастурлари бўйича ва буюртмачилар – геологик жиҳатдан ўрганиш мақсадида ер қаъри участкаларидан фойдаланиш ҳуқуқи учун рухсатномалар соҳиблари билан шартномалар бўйича ишловчи геология-қидирув корхоналари ижрочилар ҳисобланади.

Геологик изланишлар натижаси – бу геологик ахборот, у қуйидагича бўлиши мумкин:

• ижобий, бунда текширилаётган ҳудуддаги фойдали қазилма конлари ва келгусида ишга солиш мақсадида уларнинг аҳамиятли эканлиги тасдиқланади;
• салбий, бунда текширилаётган ҳудуддаги фойдали қазилма конлари ёки келгусида ишга солиш мақсадида уларнинг аҳамиятли эканлиги тасдиқланмайди.

Иккала ҳолда ахборотнинг қиймати турлича бўлса ҳам, у буюртмачининг мулки ҳисобланади . Геологик изланишлар натижаси билан боғлиқ барча таваккалчиликлар ва нафлар буюртмачи зиммасига юклатилади. У бажарилган ишлар учун, шу жумладан – салбий...