Дорихона ҚҚС тўловчиси бўлишни истамаса

Биз аввал ҚҚС билан солиқ солиш масалаларини тартибга солувчи қонунчилик нормалари ўртасидаги чўзилиб кетган ҳуқуқий коллизия ҳақида ёзган эдик. Эслатиб ўтамиз: 1 апрелдан бошлаб ПФ-229-сон Фармон кучга кирди. Унга кўра, фармацевтика маҳсулотларини реализация қилувчи ёки тиббий хизматлар кўрсатувчи барча юридик шахслар даромад даражасидан қатъи назар ҚҚС тўловчилари деб тан олинади. Шу билан бирга, СКнинг амалдаги таҳририда бундай юридик шахслар, агар уларнинг жами даромади 1 млрд сўмдан ошмаса, айланмадан олинадиган солиқни тўлаш ҳуқуқига эга. СК 461-м..

Хўжалик юритувчи субъект Солиқ кодекси нормаларига принципиал равишда қатъий риоя қилишни хоҳласа, нима қилиш кераклигини «ICONSULTANT» МЧЖ солиқ маслаҳатчилари ташкилоти директори Иродахон АББОСХОНОВА тушунтириб берди. Шунингдек, эксперт ўз компаниянгиз ва вазиятга мослаштириш мумкин бўлган шикоят хатлари намуналарини ҳам таклиф қилди.

– Бугунги кунда вазият ўзгармаяпти. Солиқ қўмитаси, унинг ҳудудий бўлинмалари ва ИАМ ПФ-229-сон Фармондан парча келтириш билан чекланиб, корхоналар 1 апрелдан ҚҚС ва фойда солиғига мажбурий ўтиши кераклигини кўрсатиб келмоқда. Бунда нормаларнинг ҳуқуқий зиддияти масаласи тўғридан-тўғри тушунтирилмаяпти.

Бу шароитда ҳар бир компания ҚҚСга ўтмаслик билан боғлиқ ҳуқуқий ва иш юритиш хатарларини мустақил равишда баҳолаш ҳуқуқига эга.

Аммо агар сиз ўтиш талаблари Солиқ кодексига киритилмагунча  айланмадан олинадиган солиқни қўллашни давом эттириш қонуний ҳуқуқингизни ҳимоя қилишга қарор қилган бўлсангиз, мен сизга ёрдам учун расмий шикоят хати матни ва уни қаерга ва қандай юбориш тўғрисидаги йўриқномаларни тайёрладим.

Шикоятни қаерга юбориш керак

Буни қуйидагича амалга ошириш мумкин:

• шахсий кабинет орқали – солиқ органига ва «Янги технологиялар» ДУК ИАМга;
• Президентнинг Виртуал қабулхонаси орқали – қуйидагиларга:

– Тадбиркорлар ҳуқуқларини ҳимоя қилиш бўйича вакил (Бизнес-омбудсман);

– Президент ҳузуридаги Тадбиркорларни қўллаб-қувватлаш жамоатчилик кенгаши;

– Адлия вазирлиги.

Ўз компаниянгизга мослаштириш мумкин бўлган шикоят намуналарини кўринг.