Бекор туриб қолишлардан йўқотишлар қандай ҳисобга олинади

24.10.2025
author avatar

Олег ЦОЙ

«Норма» эксперти

Тавсияда: 

– бекор туриб қолиш тушунчаси;
– бекор туриб қолишни ҳужжатли расмийлаштириш;
– бекор туриб қолинган вақт учун ҳақ тўлаш;
– бекор туриб қолишдан йўқотишларни оптималлаштириш;
– бекор туриб қолишдан кўрилган зарарнинг бухгалтерия ҳисоби:
            ички сабабларга кўра;
            ташқи сабабларга кўра;
           фавқулодда вазият туфайли;
– бекор туриб қолиш натижасидаги йўқотишларнинг солиқ ҳисоби.

Бекор туриб қолиш нима

Бекор туриб қолиш – бу ишни вақтинча тўхтатиб туриш .

Бекор туриш сабаблари:

  • иқтисодий – хом ашё ва энергия ресурсларидан фойдаланишнинг чекланганлиги, ишлар ҳажмининг йўқлиги, контрагентлар томонидан шартнома мажбуриятларининг бажарилмаслиги, молиявий инқироз;
  • технологик – ускуналарни модернизация қилиш, янги ишлаб чиқариш технологиясини жорий этиш;
  • ташкилий – корхона ёки унинг таркибий бўлинмаларини қайта ташкил этиш;
  • ишлаб чиқариш – авария, асбоб-ускуналар ёки бинони таъмирлаш;
  • табиий – об-ҳаво шароити, фавқулодда ҳодисалар.

Бекор туриб қолиш битта ходимга, ходимлар гуруҳига (смена, таркибий бўлинма) ёхуд бутун корхонага тааллуқли бўлиши мумкин. У қисқа муддатли ёки узоқ муддатли, режали ва режасиз бўлади.

Бекор туриб қолиш ходимлар, иш берувчининг айби билан ёки ташқи сабабларга кўра юз бериши мумкин.