Валюта билан ишловчи бухгалтерлар учун янги йўналишлар:
«Айтинг-чи, ўзини ўзи банд қилган одамни ишга олиш мумкинми?»
Илгари мумкин эмас эди, энди эса баъзи ҳолларда бунга рухсат берилади!
Қандай шароитларда ўзини ўзи банд қилганлар билан бемалол меҳнат шартномасини тузишингиз мумкинлигини buxgalter.uz экспертлари тушунтирди:
Экспертларга ўз саволингизни беринг ва «Жавоб берамиз!» хизматининг тўлиқ жавоблар базасидан фойдаланинг – бунинг учун Buxgalter Pro хизматига киришни расмийлаштиринг.
Эътибор беринг
Материаллардан нусха кўчириш ва фойдаланиш фақат манбага фаол ҳавола мавжуд бўлганда ёки таҳририятнинг ёзма рухсати билан амалга оширилади.
Ушбу масала Президентнинг 08.06.2020 йилдаги «Тадбиркорлик фаолияти ва ўзини ўзи банд қилишни давлат томонидан тартибга солишни соддалаштириш чора-тадбирлари тўғрисида»ги ПҚ-4742-сон қарори билан тартибга солинади.
Бунда дастлаб ПҚ-4742-сон қарорнинг 3-бандида шундай дейилган эди:
«2020 йил 1 июлдан бошлаб шундай тартиб жорий этилсинки, унга мувофиқ: <...> ўзини ўзи банд қилган шахслар ёлланма ишчиларни жалб қила олмаслиги ҳамда иш берувчига эга бўла олмаслиги тўғрисидаги талаб сақлаб қолади.»
Бироқ Президентнинг 05.02.2026 йилдаги ПҚ-49-сон қарори билан унга киритилган ўзгартиришларга мувофиқ энди ушбу банд қуйидагича кўринишга эга бўлди:
«2020 йил 1 июлдан бошлаб шундай тартиб жорий этилсинки, унга мувофиқ: <...> ўзини ўзи банд қилган шахслар ёлланма ишчиларни жалб қила олмаслиги ҳамда мазкур фаолият йўналиши бўйича иш берувчига эга бўла олмаслиги тўғрисидаги талаб сақлаб қолади; меҳнат шартномасига асосан банд бўлган шахслар (давлат фуқаролик хизматчилари бундан мустасно) бир вақтнинг ўзида рухсат берилган фаолият турлари билан ўзини ўзи банд қилган шахс сифатида рўйхатдан ўтган ҳолда шуғулланиши мумкин.»
Бинобарин, ўзини ўзи банд қилган шахсни ишга қабул қилишда унинг ўзини ўзи банд қилган шахс сифатидаги фаолият тури меҳнат шартномаси бўйича фаолият тури билан мос келмаслигига эътибор беринг. Бу турлар ўз моҳиятига кўра қанчалик яқин бўлса, сизнинг хавфингиз шунчалик юқори бўлади.
Агар ўзини ўзи банд қилганлар сиз билан ФҲШ бўйича ишлаётган бўлса, солиқ хизмати бундай муносабатларни «иш ҳақи» солиқларини қўшимча ҳисоблаш билан меҳнат муносабатларига қайта малакалантириши мумкин. Тавсияларда хавф зонасида бўлиши мумкин бўлган белгилар келтирилган:
