CFR Incoterms® 2020 атамаси қандай талқин қилинади

Тавсияда:

– етказиб бериш, таваккалчилик ва суғурта;
– транспорт тури, қадоқлаш ва маркировкалаш;
– жўнатиш, ташиш ва тушириш;
– экспорт (импорт) тозалашдан ўтказиш;
– шартнома тарафларининг мажбуриятлари.

Етказиб бериш, таваккалчилик ва суғурта 

CFR (етказиб бериш жойи кўрсатилган ҳолда) Incoterms® 2020 (cost and freight – қиймат ва фрахт) етказиб бериш базисида сотувчи товарни кема бортида етказиб беради.

Товарнинг йўқолиши ёки шикастланиши таваккалчилиги у кема бортида бўлган пайтда ўтади. Шу боис, товар белгиланган жойга соз ҳолатда ва баён қилинган миқдорда етиб келганлигидан ёки умуман етиб келган-келмаганлигидан қатъи назар, сотувчи товарни етказиб бериш бўйича ўз мажбуриятини бажарган деб ҳисобланади.

Сотувчи суғурта полисини сотиб олишга мажбур эмас, шу сабабли харидор суғурта қопламасини ўзи сотиб олиши керак.