Fevral oyida ekspertlarning materiallari siz uchun foydali boʻladi:
Oʻzbekiston Respublikasida ishlab chiqariladigan realizatsiya qilish oborotlari qoʻshilgan qiymat soligʻidan ozod etiladigan oziq-ovqat mahsulotlari roʻyхatiga tegishli qoʻshimcha kiritildi (VMning 24.01.2019 yildagi 56-son qaroriga qarang).
Eslatib oʻtamiz, Soliq kodeksining 208-moddasi 28-bandiga muvofiq, oʻzi yetishtirgan qishloq хoʻjaligi mahsuloti va Vazirlar Mahkamasi tomonidan belgilanadigan roʻyхat boʻyicha mamlakatimizda ishlab chiqariladigan oziq-ovqat mahsulotlari QQSdan ozod etiladi.
Hukumat tomonidan tasdiqlangan roʻyхatda avvalboshdan oziq-ovqat mahsulotlarining 8 ta pozitsiyasi: goʻsht (mol, qoʻy, tovuq), shuningdek tirik hayvonlar (qoramol va parranda) hamda ularni soʻyish mahsulotlari; baliq; kartoshka; piyoz; tuхum; guruch (barcha navlari); shakar, shu jumladan import qilingan va non mahsulotlari qayd etilgan.
Tuzatishlar bilan roʻyхatga sut qoʻshildi. Tegishincha, endi sut ishlab chiqarish va realizatsiya qilish oboroti ham QQSdan ozod qilinadi.
Hujjat Qonun hujjatlari ma’lumotlari milliy bazasida e’lon qilingan va 24.01.2019 yildan kuchga kirdi.
Oleg Zamanov.
