Yangiliklar

2027 yilda yongʻin xavfsizligi: biznesning yangi majburiyatlari va javobgarligi

06.11.26

02.11.2026 yildagi yangi OʻRQ-1186-son Qonun biznes uchun yongʻin xavfsizligi talablarini oʻzgartiradi. Oʻzgartirishlar bilan bino va inshootlarning yongʻin xavfsizligiga doir minimal texnik talablar, tekshiruvlarning yangi tartibi, ayrim ob’yektlarni majburiy sugʻurta qilish, yongʻinlar oqibatida odamlarning hayoti va sogʻligʻiga yetkazilgan zarar uchun qoʻshimcha toʻlovlar qonunchilik darajasida joriy etilmoqda. Qonun rasmiy e’lon qilinganidan uch oy oʻtgach, 2027 yil 5 fevraldan kuchga kiradi – yangi talablarga tayyorgarlik koʻrishga ulguring.

Farmatsevtika mahsulotlari bozorida yuridik shaxslar uchun qoidalar qanday oʻzgaradi

06.11.26

Dori vositalari va tibbiy buyumlar muomalasini tartibga soluvchi normativ hujjatlarga tuzatishlar paketi qabul qilish uchun tayyorlanmoqda. Vazirlar Mahkamasining qarori loyihasi (loyiha ID raqami: 10806) majburiy markirovkalashni hisobga olgan holda ularni ulgurji va chakana realizatsiya qilish qoidalarini batafsil belgilaydi, elektron tijoratga qoʻyiladigan talablarni kuchaytiradi. Shuningdek, muvofiq boʻlmagan mahsulotlarni chaqirib olish va yoʻq qilish tartib-taomillarini oʻzgartiradi. Ushbu yangiliklar farmatsevtika kompaniyalari, distribyutorlar va dorixona tarmoqlarining operatsion faoliyatiga ta’sir koʻrsatib, dorixona xodimlari va rahbarlari, elektron savdo platformalari operatorlari va buyurtmalar agregatorlari, shuningdek, yetkazib berish xizmatlarini koʻrsatish faoliyati bilan shugʻullanuvchi tadbirkorlik sub’yektlarining javobgarlik hududlariga ta’sir qiladi. Muhokamada 2026 yil 20 noyabrgacha regulation.adliya.uz portalida havola orqali ishtirok etish mumkin. Batafsil – sharhimizda.

Aksiz soligʻini avtomatik hisoblash: Soliq qoʻmitasi oktyabr oyi uchun yangi hisobot shakllarini ochdi

06.11.26

2027 yildan boshlab aksiz soligʻi boʻyicha hisobotlar proaktiv formatga oʻtishi haqida biz avval ham yozgan edik. Soliq qoʻmitasi joriy yilning oktyabr oyi uchun aksiz soligʻi boʻyicha hisobotlarni avtomatik tarzda shakllantirishni boshladi.

Oʻzbekistonda kripto-aktivlar bilan qanday ishlash mumkin: nimalarni bilish kerak

05.11.26

Kripto-aktivlar bilan bogʻliq faoliyat Prezidentning 03.07.2018 yildagi PQ-3832-son qarori bilan tartibga solinadi: mayning bilan Istiqbolli loyihalar milliy agentligida (ILMA) roʻyxatdan oʻtgan yuridik shaxslar shugʻullanadi, provayder xizmatlari esa litsenziya asosida koʻrsatiladi. Qoraqalpogʻistonning butun hududida «Besqala Mining Valley» mayning zonasida alohida rejim amal qiladi. Mavzu mayning yoki provayderlik xizmatlarini rejalashtirayotgan kompaniyalar va oʻzbekistonlik mijozlari boʻlgan xorijiy platformalarga taalluqlidir. «Norma» eksperti Irina AXMETOVA Oʻzbekistonda kripto-aktivlar bilan ishlash uchun umumiy rejim va maxsus hudud bir-biridan nimasi bilan farq qilishini, shuningdek, litsenziyani yoʻqotish xavfisiz mayningni qonuniy ravishda qanday boshlash yoki provayderlik faoliyatini qanday tashkil etish mumkinligini tushuntiradi.

Kassa modelingiz davlat reyestridan chiqarilgan boʻlsa, uni qancha muddatda almashtirish kerak

04.11.26

Soliq qoʻmitasi axborot xabarnomasida «E-POS» virtual kassasi texnik talablarga javob bermasligi sababli Davlat reyestridan chiqarilganini ma’lum qildi. Dastur ishlab chiquvchisi mijozlarga bergan javobida vaziyatga 10 noyabrgacha oydinlik kiritishni moʻljallayotganini bildirgan. Biroq shuni inobatga olingki, agar onlayn-NKT davlat reyestridan chiqarilsa, uni almashtirish uchun juda qisqa muddat beriladi. Ushbu muddat tugagandan keyin ham bunday kassani ishlatishda davom etganlik uchun katta miqdorda jarima solinishi mumkin.

Iqtisodiyot va moliya vazirligi MHMSni qoʻllaydigan tashkilotlar uchun hisobvaraqlar rejasini ishlab chiqdi

04.11.26

Yangi hisobvaraqlar rejasining tuzilishi va raqamlanishi 21-son BHMS boʻyicha amaldagi hisobraqamlar rejasidan sezilarli darajada farq qiladi. Buxgalterlarning savollariga javob beramiz: bu farqlar aynan nimada va tashkilotlar yangi hisobvaraqlar rejasini qoʻllashga majburmi.

Koʻchmas mulk va yogʻochning bozor narxidan kelib chiqqan holda soliq bazasi: nimalarni bilish kerak

03.11.26

Vazirlar Mahkamasi koʻchmas mulk va yogʻochdan tayyorlangan ayrim buyumlarni realizatsiya qilishda soliq bazasini bozor narxidan kelib chiqib aniqlash tartibini tasdiqladi. Agar shartnomadagi, EHFdagi yoki NKT chekidagi narx bozor narxidan 20 foizga farq qilsa, soliq organi bazani qayta hisoblab chiqish va soliqlarni qoʻshimcha hisoblash huquqiga ega. Tartib bunday tovarlarning sotuvchilari va xaridorlariga taalluqli boʻlib, uning ikkita qoidasi boʻyicha «Norma» eksperti Irina Axmetovaning nuqtai nazari ularni soʻzma-soʻz tushunishdan farq qiladi.

Bojxona QQSini mamlakat ichkarisida ortiqcha toʻlov hisobiga kim kamaytira oladi

02.11.26

2027 yil 1 yanvardan boshlab QQS summalarini oʻzaro hisobga olish mexanizmi amalga kiritiladi: endi mamlakat ichida tovarlar va xizmatlarni realizatsiya qilishda hosil boʻlgan QQS boʻyicha ortiqcha toʻlovlarni import qilishda bojxona QQSini qoplashga toʻgʻridan-toʻgʻri yoʻnaltirish mumkin (20.01.2027 y. AV roʻyxat raqami 3966). Yangi qoidalar QQS toʻlovchilarining asosiy toifalari uchun aylanma hisob-kitoblarni soddalashtirish va fiskal ma’muriyatchilikning shaffofligini oshirishga qaratilgan. Oʻzaro hisobga olishning yangi sxemasidan kimlar foydalana olishi, soliq va bojxona organlari oʻrtasida ma’lumotlarning avtomatik almashinuvi qanday amalga oshirilishi, shuningdek, qaysi hollarda hisobga olish rad etilishi mumkinligi – bizning sharhimizda.

Yetkazib beruvchi oldida qarz yoʻq, lekin inkasso qoʻyildi: kompaniya undiruvni toʻxtatishga qanday muvaffaq boʻldi

02.11.26

Xususiy tibbiyot klinikasi soliq idorasidan yetkazib beruvchi oldidagi yarim milliard soʻmdan ortiq qarzdorlik mavjudligi haqidagi xabarnomani toʻliq hisob-kitob qilgan kontragent boʻyicha olgan. Bir oy oʻtgach, uning hisobiga inkasso qoʻyildi, bu esa, buxgalterning soʻzlariga koʻra, klinika faoliyatini toʻxtatib qoʻydi. Bu safar hammasi yaxshilik bilan tugadi: undiruv tezda toʻxtatildi. Ammo ma’lum boʻlishicha, xatolarga har ikki tomon ham yoʻl qoʻygan. Keysni va xuddi shunday vaziyatga tushib qolmaslik yoʻllarini koʻrib chiqamiz.

2026 yil 1 noyabrdan Oʻzbekistonda nimalar oʻzgaradi

30.10.26

2026 yil noyabr oyi tadbirkorlar uchun navbatdagi yengilliklar va raqamli islohotlarni olib keladi: biznes uchun elektr va gaz uchun oldindan toʻlovni kamaytirish, "yashil" issiqxonalarni davlat tomonidan qoʻllab-quvvatlash, bojxona toʻlovlarini kamaytirish va elektron shartnomalarga oʻtish. An’anaviy sharhimizda qonunchilikdagi asosiy oʻzgarishlarni koʻrib chiqamiz.

Suv omborlari yaqinida turizmni rivojlantirish: biznes uchun yangi imkoniyatlar va imtiyozlar

29.10.26

Prezidentning 27.10.2026 yildagi PQ-387-son qarori suv omborlari va ularga tutash hududlardan foydalanishni tartibga solish maqsadida qabul qilingan. Buning uchun turizm xizmatlarini rivojlantirish, ushbu ob’yektlarda turizm va xizmat koʻrsatish infratuzilmasini shakllantirish, tadbirkorlik sub’yektlari va investorlar uchun qulay shart-sharoitlar yaratish, shuningdek, aholi va sayyohlar xavfsizligini ta’minlash rejalashtirilgan. Suv omborlari hududlarida turizmni rivojlantirishga qaror qilgan tadbirkorlar qanday imtiyozlarga ega boʻlgani va butun respublika boʻylab sayyohlik ob’yektlarida xavfsizlikni qanday ta’minlashi haqida sharhimizda koʻrib chiqamiz.

2027 yilga moʻljallangan uglerod soligʻi va boshqa soliq tashabbuslari: soliq siyosatida nimalarni oʻzgartirish taklif etilmoqda

28.10.26

Oʻzbekistonda uglerod soligʻi joriy etilishi mumkin. Aytgancha, bu 2027 yilga moʻljallangan soliq takliflari toʻplamidagi korxonalar oldindan bilishi kerak boʻlgan yagona gʻoya emas. Buxgalter.uz saytida yangi soliqni joriy etish tashabbusi bilan kim chiqqani, u kimlarga ta’sir qilishi mumkinligi va shuningdek, soliq siyosatida yana qanday oʻzgarishlar taklif etilgani haqida soʻzlab beramiz.

Suv olish tartibini buzganlik uchun jarimalar: ular qanday hisoblanadi va qanday qilib ikki baravar kam toʻlanadi

28.10.26

2026 yil 22 oktyabrdan boshlab suv olish tartibini buzganlik uchun moliyaviy sanksiyalar toʻgʻrisidagi yangi Nizom (21.10.2026 yildagi VMQ 585-son) kuchga kiradi. U sanksiyalarni qoʻllash tartibini, hisob-kitob formulasini va ixtiyoriy toʻlovda «imtiyozlar»ni belgilaydi. 2027 yildan boshlab esa birinchi tartibbuzarlik uchun ogohlantirish bilan qutulish mumkin. Tafsilotlar – buxgalter.uz sharhida.

TIF ishtirokchisi sifatida tovarlarning bojxona qiymatini oldindan baholash

28.10.26

Iqtisodiyot va moliya vazirligi huzuridagi Bojxona qoʻmitasi normativ-huquqiy hujjat loyihasini jamoatchilik muhokamasiga qoʻydi (loyiha ID raqami: 11820). Yangi Nizom TIF ishtirokchilari tomonidan Oʻzbekiston Respublikasi bojxona chegarasi orqali olib oʻtiladigan tovarlarning bojxona qiymatini aniqlash boʻyicha bojxona organlari tomonidan dastlabki qaror qabul qilish tartibini belgilaydi. Asosiy yangilik – dastlabki qarorlarni qabul qilishning markazlashtirilgan tartibini joriy etishdir. Muhokamada 2026 yil 6 noyabrgacha havola orqali ishtirok etish mumkin. Ushbu yangilik tashqi iqtisodiy faoliyat ishtirokchilarining kundalik faoliyatiga qanday ta’sir koʻrsatishini bizning sharhimizda koʻrib chiqamiz.

MHMS-marafon: 9 ta standart loyihasi jamoatchilik muhokamasiga qoʻyildi

27.10.26

Moliyaviy hisobot milliy standartlarining (MHMS) 9 ta loyihasi jamoatchilik muhokamasi uchun e’lon qilindi. Ular MHMSning birinchi qoʻllanilishi, asosiy vositalar, zaxiralar, nomoddiy aktivlar, pul oqimlari, valyuta operatsiyalari, qarzlar boʻyicha xarajatlarga taalluqlidir. Muhokama uchun atigi 10 kun ajratilgan. Tafsilotlar – buxgalter.uz sharhida.

Biznesni roʻyxatga olish – 2026: hisobot holatini qanday tekshirish va xatolarni tuzatish mumkin

27.10.26

Biznes roʻyxatidan oʻtganlar diqqatiga! Agar siz sertifikat olgan boʻlsangiz, bu hali hisobotingiz topshirilganini anglatmaydi.

Yangicha smeta: qurilish kompaniyalari 2027 yildan boshlab nimalarga tayyorgarlik koʻrishlari kerak

27.10.26

Vazirlar Mahkamasining 21.10.2026 yildagi 583-son qarori qabul qilindi, unda pudrat tashkilotlarining smeta qiymatini shakllantirish, boshqa va ishlab chiqarish xarajatlarini hisoblash yondashuvi oʻzgartirildi. Hujjat Milliy axborot tizimidagi jarayonlarni toʻliq avtomatlashtirish va xarajatlarni standartlashtirishga qaratilgan. Yangiliklar qurilish kompaniyalarining moliyaviy-xoʻjalik faoliyatiga bevosita ta’sir koʻrsatadi. 2027 yildan boshlab pudratchilarning hisob-kitoblari, xarajatlar chegaralari va hisobotlarida nimalar oʻzgarishini sharhimizda koʻrib chiqamiz.

Sovuq suv boʻyicha hisobot berishni unutmang

26.10.26

Har oy 25 sanasidan oyning oxirgi sanasigacha soat 09:00 dan 18:00 gacha «Oʻzsuvta’minot» yuridik shaxslarning sovuq suv boʻyicha koʻrsatkichlarini qabul qiladi. Asosiy tafsilotlar – bu yerda:

2026 yil noyabr oyi uchun bosh buxgalter rejasi

26.10.26

2026 yilning noyabr oyi dam olishga vaqt qoldirmaydi – taqvim soliqlar, boʻnaklar, majburiy toʻlovlar va hisobotlarni topshirishning yakuniy muddatlari bilan toʻlib-toshgan. Har bir soliq boʻyicha tayyor ekspert tavsiyalaridan foydalaning.

PF-175 boʻyicha soliq imtiyozlari: reyting, mehmonxonalar, startap investorlar va turoperatorlar

23.10.26

Prezidentning 27.08.2026 yildagi PF-175-son Farmoni bilan bir vaqtning oʻzida bir nechta soliq imtiyozlari shartlari oʻzgartirildi. Soliq va bojxona imtiyozlari hamda QQSning bir qismini qaytarish endi Barqarorlik reytingidagi darajaga bogʻliq emas, mehmonxonalar uchun mol-mulk va yer soligʻining pasaytirilgan stavkalarini qoʻllash uzaytirildi, startap-investorlar uchun JShDS boʻyicha imtiyoz joriy etildi, turoperatorlar esa 2027 yildan boshlab QQSning nol stavkasiga ega boʻladi. Ushbu oʻzgarishlar biznesga qanday ta’sir qilishi haqida «Norma» eksperti Irina Axmetova batafsil ma’lumot beradi.