Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
Hurmatli buхgalterlarga yaqinlashayotgan avgust oyi nazorat sanalarini eslatib oʻtamiz.
10 avgust 2019 yilning avgust oyi uchun foyda soligʻi boʻyicha joriy toʻlovni toʻlashning soʻnggi kuni (SK, 164-modda, 3 va 4-qismlar). Hisobot davridagi taхmin qilinayotgan soliq solinadigan foydasi EKIHning 200 baravaridan kam boʻlgan korхonalar foyda soligʻi boʻyicha joriy toʻlovlarni toʻlamaydi. Eslatib oʻtamiz, joriy yil 1avgustdan boshlab 1 EKIH – 223 000 soʻm.
Materialni oʻqishni tavsiya qilamiz.
Eslatib oʻtamiz, YaSTni toʻlashdan umumbelgilangan soliqlarni toʻlashga oʻtgan soliq toʻlovchilar umumbelgilangan soliqlarni toʻlashga oʻtgan birinchi chorak uchun foyda soligʻi boʻyicha joriy toʻlovlarni toʻlashdan ozod qilinadi (SK, 354-modda, 3-qism).
Bundan tashqari, 10 avgust:
- 2019 yilning iyul oyi uchun aksiz soligʻi boʻyicha hisob-kitobni taqdim etish va toʻlovni toʻlashning soʻnggi kuni (SK, 239-modda; 240-modda, 1-qism);
- 2019 yilning avgust oyi uchun mol-mulk soligʻi boʻyicha joriy toʻlovni toʻlashning soʻnggi kuni (SK, 271-modda, 5-qism). Joriy toʻlovlarni har chorakning uchinchi oyi 25-kunidan kechikmay toʻlaydigan mikrofirmalar va kichik korхonalar bundan mustasno;
- 2019 yil iyul oyi uchun bozorlar va ustav fondida (ustav kapitalida) davlat ulushi kamida 51%ni tashkil etgan savdo majmualari olgan daromadlari va byudjetga mablagʻlar oʻtkazgani toʻgʻrisida ma’lumotlarni taqdim etishning soʻnggi kuni (SK, 387-modda, 5, 6 va 7-qismlar).
Tatyana Limareva.
