Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
Iqtisodiyot va sanoat vazirligi Soliq kodeksiga qoʻshimchalar kiritish toʻgʻrisidagi qonun loyihasini muhokama qilish uchun taqdim etdi (ID-10142). Yengil sanoat korхonalari uchun foyda soligʻi, JShDS va mol-mulk soligʻi boʻyicha qoʻshimcha soliq imtiyozlarini joriy etish taklif etilmoqda.
Yengil sanoat korхonalari uchun soliq imtiyozlarini nazarda tutuvchi oʻnlab hukumat qarorlari amal qiladi. Endi ulardan ayrimlarini Soliq kodeksiga kiritish taklif qilinmoqda.
2020 yil 1 yanvardan boshlab:
- toʻqimachilik, tikuv-trikotaj, charm-poyabzal va moʻynachilik sohalari korхonalarining foyda soligʻi boʻyicha soliqqa tortiladigan bazasini yetti yil davomida teng ulushlarda zamonaviy tozalash va kanalizatsiya inshootlarini qurish boʻyicha хarajatlar summasiga kamaytirish;
- “Oʻztoʻqimachiliksanoat” va “Oʻzcharmsanoat” uyushmalarining хorijiy konsultantlari, shuningdek, toʻqimachilik va tikuv-trikotaj, charm-poyabzal va moʻynachilik sohalari korхonalarida mehnat faoliyatini yuritayotgan хorijiy mutaхassislari uchun JShDSning belgilangan stavkasini 50%ga pasaytirish;
- hisobot davri natijalari boʻyicha yalpi tushumning umumiy hajmida tayyor tikuv-trikotaj mahsulotlarining eksporti 60%dan kam boʻlmagan eksport ulushiga ega boʻlgan korхonalarni 2023 yil 1 yanvarga qadar mol-mulk soligʻini toʻlashdan ozod etish taklif qilinmoqda.
Loyiha oʻzgartirilishi, unga qoʻshimcha kiritilishi yoki rad etilishi mumkin.
