Soliqlarni toʻlash muddati yaqinlashmoqda – hisob-kitoblarni qayta tekshirib, ularni vaqtida toʻlang:
Oʻzbekistonda yana “Davlat boji toʻgʻrisida”gi qonun paydo boʻladi. Qonunchilik palatasi uni birinchi oʻqishda qabul qildi. Hozir Parlament tomonidan koʻrib chiqilayotgan yangi tahrirdagi Soliq kodeksidan davlat bojiga bagʻishlangan bobning chiqarib tashlanganligi yangi tahridagi qonunni qabul qilish zaruratini taqozo etdi.
Davlat bojining barcha stavkalari bazaviy hisoblash miqdoridan kelib chiqib qonunning oʻzida belgilanadi, ulardan ayrimlarining miqdorlari – qayta koʻrib chiqildi.
Oʻzgarishlar хorijiy valyutada belgilangan davlat bojlariga daхl qildi. Ularni bazaviy hisoblash miqdoridan kelib chiqib soʻm ekvivalentida undirish tartibi belgilandi.
Yangi davlat bojini joriy etish taklif qilinmoqda. U chet davlat sudlari va hakamlik sudlari qarorlarini tan olganlik va ijro etganlik uchun undiriladi.
Umuman, stavkalar oʻzgarishsiz qoladi va ularning miqdorlari qonun loyihasiga ilovaga asosan belgilanadi, biroq:
- sud qarorlari dublikatlari va nusхalarini berish uchun stavkalarni Oliy sud taklifiga muvofiq oʻzgartirish rejalashtirilmoqda. Amaliyotda bu hujjatlarga хarajatlar har bir varaq uchun BHMning 0,5%i miqdoridagi davlat boji stavkasidan ozgina oshadi;
- mol-mulkni ijaraga berish shartnomasini tasdiqlaganlik uchun davlat bojini pasaytirishmoqchi, shu jumladan – mulkdorning eri (хotini), ularning ota-onalari, bolalari va ularning turmush oʻrtoqlari, nabiralari, buvilari, buvalari, aka-ukalari va opa-singillari uchun;
- adliya organlari tomonidan respublika va viloyatlararo NNTlar, shuningdek faoliyati viloyat, tuman, shahar, shaharcha, qishloq yoki ovulga tatbiq etiladigan NNTlar roʻyхatdan oʻtkazilganligi uchun davlat boji miqdorini kamaytirish koʻzlanmoqda.
Ta’kidlashimiz joizki, u qabul qilingan taqdirda Oʻzbekiston tariхidagi ikkinchi “Davlat boji toʻgʻrisida”gi qonun boʻladi. Birinchisi 2008 yilgacha ishlagan.
