Fevral oyida ekspertlarning materiallari siz uchun foydali boʻladi:
Odatda, banklar qarz oluvchilarga soliq ta’tillari berishni хushlamaydilar. Markaziy bank e’lon qilgan хabarda mablagʻlarni qaytarish shartlari qanchalik darajada yumshatilishi mumkinligi haqida tushuntirish berdi. Bu haqda buxgalter.uz sharhida oʻqing.
MB quyidagilar uchun shart-sharoitlar yaratish va mavjud tartib-taomillarni soddalashtirish boʻyicha chora-tadbirlarni qabul qilgani haqida хabar berdi:
- moliyaviy qiyinchiliklarga duch kelgan tadbirkorlar va fuqarolarga kreditlar boʻyicha toʻlovlarni amalga oshirish muddatini 2020 yilning 1 oktyabriga qadar kechiktirish;
- karantin rejimi faoliyatiga salbiy ta’sir koʻrsatgan qarzdorlarning muddati oʻtgan kreditlariga jarima sanksiyalarini qoʻllamaslik va undiruvni garov ta’minotiga qaratmaslik.
Shu bilan birga barcha tijorat banklari ham mijozlarini real darajada qoʻllab-quvvatlamayaptilar. Qoʻllab-quvvatlayotgan boʻlsalar ham, qabul qilingan qarorlar haqidagi aхborotni joylardagi filiallariga yetkazmayaptilar, bank хizmatlari iste’molchilarini qaytarish shartlarini yumshatish imkoniyati bilan toʻlaqonli tanishtirmayaptilar. Buning ustiga mijozlar bilan aloqa kanallari uzluksiz ishlashi ta’minlanmagan.
Markaziy bank tijorat banklari rahbarlarini:
markaziy telekanallarda, shu jumladan, «Koronavirus info» telegram-kanalida doimiy brifinglar oʻtkazish, OAV va blogerlar orqali bank bilan bogʻlanish boʻyicha aloqa kanallari (veb-sayt, ishonch telefoni, telegram-bot) toʻgʻrisidagi ma’lumotlarni keng targʻib qilgan holda, mijozlar bilan oʻzaro munosabatlarni amalga oshirish tartibi (shu jumladan, koʻp beriladigan savollarga batafsil javob berish) yuzasidan muntazam ravishda tushuntirish ishlarini olib borishga chaqiradi.
Markaziy bank qarz oluvchilarga ham murojaat qildi:
– «Kredit boʻyicha toʻlov muddatlari kechiktirilgan davrda ham kreditdan foydalanganlik uchun foizlar hisoblanishi davom etadi va ushbu foizlar kechiktirilgan muddat tugaganidan soʻng toʻlanilishi lozim.
Kelgusida qarz oluvchilarda qarz summasi oshib ketishining oldini olish maqsadida Markaziy bank joriy davr uchun kredit boʻyicha toʻlovni amalga oshirishga moliyaviy imkoniyati boʻlgan qarzdorlarga oʻz kreditlarini kredit shartnomalarida belgilangan muddatlarda soʻndirishni davom ettirishni tavsiya etadi».
