9 oyni xatolarsiz yopamiz:
MChJga rahbar bilan tuziladigan mehnat shartnomasining namunasi kerak boʻldi. Kadrlar xizmati 19.04.2003 yildagi 189-son VMQga 4-ilova – "Aksiyadorlik jamiyatining ijro etuvchi organi rahbarini yollash toʻgʻrisida namunaviy mehnat shartnomasi"ni topdi. Biroq u amal qilmay qoʻygan, oʻz kuchini yoʻqotgan. Undan namuna sifatida foydalanish mumkinmi? Yoki vaziyatdan chiqishning boshqa yoʻli bormi? «Norma» eksperti Lenara XIKMATOVA maxsus buxgalter.uz uchun ushbu masalaga oydinlik kiritdi.
– Amaldagi qonun hujjatlarida MChJ rahbari bilan tuziladigan mehnat shartnomasining birxillashtirilgan shakli mavjud emas. Darhaqiqat, ilgari 19.04.2003 yildagi 189-son VMQga 4-son ilovada "Aksiyadorlik jamiyatining ijro etuvchi organi rahbarini yollash toʻgʻrisida namunaviy mehnat shartnomasi" keltirilgan edi, keyinroq u oʻz kuchini yoʻqotgan. Biroq ushbu namunaviy shartnomadan – qonun hujjatlariga zid kelmaydigan qismida namuna sifatida foydalanishingiz mumkin. 11.03.1997 yildagi 133-son VMQga 2-son ilovada keltirilgan mehnat shartnomasining namunaviy shaklidan ham foydalanishingiz mumkin.
MChJ direktori bilan muassis yoki muassislar bir nechta boʻlsa, ulardan biri jamiyat ishtirokchilari umumiy yigʻilishining qaroriga asosan mehnat shartnomasini tuzadi 
.
Korxona rahbari bilan muddatli mehnat shartnomasini tuzish mumkinligiga e’tibor bering .
Aslida, direktor bilan tuziladigan mehnat shartnomasi boshqa xodimlar bilan tuziladigan mehnat shartnomasidan uncha farq qilmaydi. Huquq va majburiyatlarida farq boʻlishi mumkin.
Korxona rahbari bilan tuziladigan mehnat shartnomasi namunasiga qarang.
