MB asosiy stavkani yillik 14%gacha pasaytirdi

Qaror inflyatsiyaning yanada sekinlashib yil yakunida prognoz koʻrsatkichlariga erishish boʻyicha ishonchning mustahkamlanishi, iqtisodiyotda ijobiy real foiz stavkalarini saqlab qolish zarurati, shuningdek, pandemiya sharoitida inflyatsiyani pasaytirish va iqtisodiy faollikni qoʻllab-quvvatlash maqsadlari oʻrtasidagi muvozanatni ta’minlash bilan izohlanadi.

Bu qayta moliyalashtirish stavkasi qoʻllaniladigan barcha hisob-kitoblarda, 10 sentyabrdan boshlab 14% koʻrsatkichidan foydalanish zarurligini bildiradi.

MBning asosiy stavkasi foizsiz qarzlar (moliyaviy yordam) boʻyicha daromadlar hisob-kitobida soliq solish maqsadlarida qoʻllaniladi .

Shuningdek, kredit va depozit shartnomalarini ularda MBning amaldagi asosiy stavkasiga havola keltirilgan holda toʻlovlarni soʻndirish va toʻlash boʻyicha majburiyatlar mavjudligi borasida qayta tekshirishni tavsiya qilamiz.