KPKdan toʻlov toʻlanganda chek qanday roʻyxatdan oʻtkaziladi?

preview

Oʻtgan haftada soliq toʻlovchining shaxsiy kabinetida «Onlayn-NKM va virtual kassa cheklarini roʻyxatdan oʻtkazish» xizmati ishga tushdi. Biroq doʻkonda beriladigan cheklarni chalkashtirib yubormaslik uchun nima qilish kerak?

Buxgalterlar orasida koʻp uchraydigan bunday savollarga buxgalter.uz iltimosiga koʻra DSQ huzuridagi «Yangi texnologiyalar» IAM boʻlimi boshligʻi Sherzod TEShEBAYeV javob berdi:

1. Onlayn-NKM yoki virtual kassaning chekini kassada beriladigan boshqa cheklardan qanday farqlash mumkin?

– Onlayn-NKM yoki virtual kassa chekini uning rekvizitlariga qarab farqlash mumkin. Uni fiskal xotirali NKM va toʻlov terminali chekidan majburiy QR-kod va fiskal modulning seriya raqami ajratib turadi.

Onlayn-NKM yoki virtual kassa cheki rekvizitlarining toʻliq roʻyxati quyidagi koʻrinishga ega :

Bunda quyidagilarga e’tibor bering: QQS toʻlovchisi hisoblangan sotuvchining cheki aylanmadan olinadigan soliqni toʻlaydigan sotuvchining chekidan farq qiladi, keyingisi chekda QQS stavkasi va summasini koʻrsatmaydi .

1. Sotuvchi korporativ kartadan toʻlov toʻlanganda kartadan pul yechilgan qurilmadan chiqarilgan chekni berdi. Onlayn-NKM chekini berish talab qilinganda: «biz faqat shu chekni berishimiz mumkin» deb javob qildi. Mazkur holatda nima qilish kerak?

– Berilgan chekda birinchi savolga javobda aytib oʻtilgan barcha rekvizitlar mavjudligini tekshirib koʻrishimiz lozim. Hozirgi paytda onlayn-NKM va toʻlov terminali funksiyalari oʻrnatilgan qurilmalar ham mavjud. Sizning holatda sotuvchida shunday kombinatsiyalashgan qurilma oʻrnatilgan va berilgan chek onlayn-NKM cheki boʻlishi mumkin.

Sotuvchi toʻlov shaklidan – naqd pulda yoki plastik kartadan toʻlanganidan qat’i nazar, onlayn-NKM chekini berishi zarur. Bunday holatda chek berilmaganda, albatta uni berishlarini talab qiling! Sotuvchi uni berishni rad etishga haqli emas .

Sotuvchi kassa apparati buzilganligi, chiroq oʻchganligi yoki internet yoʻqligi sababli faqat belgilangan namunadagi kvitansiyani berishi mumkinligi haqida ogohlantirgan taqdirda, Hisobvaraq-fakturalar toʻgʻrisidagi nizomning 5-bandiga asosan sizga hisobvaraq-fakturani taqdim etishini talab qilganingiz ma’qul. Shuningdek xaridni keyinroqqa, ya’ni savdo shoxobchasida onlayn-NKM ishga tushiriladigan paytga qoldirish yoki umuman boshqa joydan xarid qilish mumkin. Onlayn-kassalarning koʻpchiligi elektr tarmogʻida va akkumulyatorda ishlaydi, internet mavjud boʻlmagan taqdirda, keyinchalik fiskal ma’lumotlar operatoriga cheklarni berish orqali 24 soat oflayn rejimda ishlashi mumkin.

2. Soliq toʻlovchining shaxsiy kabinetidagi «Korporativ kartadan toʻlov toʻlanganda berilgan chekni roʻyxatdan oʻtkazish» servisidan foydalanish chogʻida chekning majburiy rekvizitlari qoʻlda kiritilganda fiskal modulning fiskal belgisi va seriya raqamini koʻrsatish lozim. Fiskal belgi qanday aniqlanadi?

– Fiskal belgi – onlayn-NKM yoki virtual kassa chekining majburiy rekviziti boʻlib , chekning qalbaki emasligini tekshirish uchun moʻljallangan. Bu – 12 ta raqamdan iborat kombinatsiya, har bir chekning noyob raqami hisoblanadi.

Chekdagi bu rekvizit quyidagicha ifodalanishi mumkin: «FP», «FB», «FM», «Fiskal belgisi», «Fiskal belgi». Bu onlayn-NKM yoki virtual kassaning interfeysi tiliga hamda unga ma’lumotlarni kiritishning oʻziga xos xususiyatlariga bogʻliqdir.

3. Korporativ kartadan toʻlanganda berilgan chekni roʻyxatdan oʻtkazish tizimida bunday chek haqida ma’lumotlar mavjud emasligi ma’lum qilindi. Bu nima boʻlishi mumkin, qoʻlimizdagi chek haqiqiymi?

– Olingan chek onlayn-NKM yoki virtual kassa cheki ekanligini tekshirib koʻring. Shunday boʻlsa, birinchi urinishdan 24 soat oʻtgach yana roʻyxatdan oʻtkazishga harakat qilib koʻring. Chek internet uzilib qolgan paytda oflayn rejimda ishlagan onlayn-NKM yoki virtual kassa bergan chek boʻlsa urinish zoye ketmaydi. Internetga ulanganidan keyin kassa fiskal ma’lumotlar operatoriga oflayn rejimda urilgan barcha cheklar haqidagi ma’lumotni uzatadi .

Bundan keyin ham natija istalgandek boʻlmasa, chek qalbaki boʻlishi ehtimoldan xoli emas. Texnik jihatdan shunday qilishning imkoni bor, lekin bu qonunga xilofdir. Mazkur holatda sotuvchiga e’tiroz bildiring, soliq organiga yoki fiskal ma’lumotlar operatoriga murojaat qiling.

4. Sotuvchi doʻkon hali onlayn-NKMga oʻtmaganligini va fiskal xotirali NKM chekini berishayotganini aytdi. Fiskal xotirali NKMlar uchun ham shunga oʻxshash «Onlayn-NKM va virtual kassa cheklarini roʻyxatdan oʻtkazish» xizmati bormi?

– Yoʻq, «Korporativ kartadan toʻlov toʻlanganda berilgan chekni roʻyxatdan oʻtkazish» xizmati faqat onlayn-NKM yoki virtual kassa cheklari uchun moʻljallangan. Mazkur texnologiyani eski namunadagi fiskal xotirali NKMlarga qoʻllash mumkin emas, sababi ular haqidagi ma’lumotlar aynan kassa mashinasining oʻzida joylashtirilgan boʻladi va ulardan soliq organlarining axborot tizimida foydalanib boʻlmaydi.

Oleg GAYeVOY tayyorladi.

Naqdsiz hisob-kitob Naqdsiz hisob-kitob Naqdsiz hisob-kitob /oz/publish/doc/text164585_kpkdan_tulov_tulanganda_chek_qanday_ruyhatdan_utkaziladi